سەيسەنبى, 20 قازان 2020
COVID-19 قازاقستاندا. جۇقتىرعاندار — 109508. جازىلعاندار — 105030. قايتىس بولعاندار — 1768
جاڭالىقتار 2643 0 پىكىر 9 مامىر, 2009 ساعات 09:03

الاتاۋ مەن قاراتالدىڭ اراسى

وتكەن جىل سوڭىندا الماتىدا قازاقتىڭ بەلگىلى اقىنى، جەرلەسىمىز، حالىقارالىق «الاش» سىيلىعىنىڭ لاۋرەاتى ءداۋىتالى ستامبەكۇلىنىڭ 60 جاسقا تولۋىنا وراي ەسكە الۋ كەشى وتكىزىلگەن بولاتىن. تىرلىگىندە ايماعىن اسقاق جىرعا، ادامي مۇراتتارعا ادالدىقتىڭ، پوەزياعا، ونەرگە ادالدىقتىڭ ۇلگىسىنە بولەگەن اقيىق اقىندى قازاق ادەبيەتىنىڭ، وي-ساناسىنىڭ قارا شاڭىراعى – جازۋشىلار وداعىندا وتكەرىلگەن وسىناۋ شارا ورتامىزعا الىپ كەلگەندەي بولدى. جىرىمەن، جارقىلداعان الداسپان مىنەزىمەن. سول كەشتە ءداۋىتالى جايلى تالاي تاماشا ەستەلىكتەر ايتىلدى. تۇرلاۋى جوق تىرلىكتىڭ، تارپاڭ تاعدىردىڭ تالقىسىنا كونبەگەن ءور مىنەزى اپپاق نۇرعا تولتىرىپ ەدى، اسپاني اۋراعا كەنەلتىپ ەدى زال ءىشىن...

وتكەن جىل سوڭىندا الماتىدا قازاقتىڭ بەلگىلى اقىنى، جەرلەسىمىز، حالىقارالىق «الاش» سىيلىعىنىڭ لاۋرەاتى ءداۋىتالى ستامبەكۇلىنىڭ 60 جاسقا تولۋىنا وراي ەسكە الۋ كەشى وتكىزىلگەن بولاتىن. تىرلىگىندە ايماعىن اسقاق جىرعا، ادامي مۇراتتارعا ادالدىقتىڭ، پوەزياعا، ونەرگە ادالدىقتىڭ ۇلگىسىنە بولەگەن اقيىق اقىندى قازاق ادەبيەتىنىڭ، وي-ساناسىنىڭ قارا شاڭىراعى – جازۋشىلار وداعىندا وتكەرىلگەن وسىناۋ شارا ورتامىزعا الىپ كەلگەندەي بولدى. جىرىمەن، جارقىلداعان الداسپان مىنەزىمەن. سول كەشتە ءداۋىتالى جايلى تالاي تاماشا ەستەلىكتەر ايتىلدى. تۇرلاۋى جوق تىرلىكتىڭ، تارپاڭ تاعدىردىڭ تالقىسىنا كونبەگەن ءور مىنەزى اپپاق نۇرعا تولتىرىپ ەدى، اسپاني اۋراعا كەنەلتىپ ەدى زال ءىشىن...

قاڭتاردىڭ سوڭىندا ءداۋىتالى ستامبەكۇلىنىڭ تۋعان كۇنى ءوتتى. دالىرەك - 20 قاڭتار. قاھارلى قاقاعان قاڭتاردا اق دۇنيەگە اقىن بوپ كەلگەن داۋكەڭ جاسىندا اكەسىنە ەركەلەپ، «فاميليام ناعاشىمنىڭ اتىندا بولعاندا ەكى ەسە مىقتى اقىن بولار ەم!» دەيدى ەكەن. قازىر ءداۋىتالىنىڭ فاميلياسى ءمارت مىنەزدى پوەزيانىڭ انىقتاۋىشى سەكىلدى. سوڭىنان ەرگەن جاس تالاپكەر ءۇشىن، ۇزەڭگىلەس قاتارلاسى ءۇشىن، بالكي، الداعى اعا بۋىن ءۇشىن دە. سول جەلتوقساننىڭ جاقسى كۇندەرىنىڭ بىرىندە ءداۋىتالى تۋعان باس قاراتال ماڭىنىڭ تىلسىم تابيعي كۇشى الاتاۋ بوكتەرىنە كوشىپ بارعانداي. ارقانىڭ ادۋىن مىنەزدى قىسى الماتىنىڭ جىلىمىعىن ىسىرىپ تاستاعانداي. الاتاۋ مەن قاراتال جاراسقان سىندى.

«...قار جاۋىپ تۇر ۇلى قازاق جەرىنە، كوڭىلىندەي ءداۋىتالى اقىننىڭ» دەپ جىر وقىدى قاسىمحان اقىن بەگمانوۆ.

«شەشىلمەگەن ۇستىنەن ساۋىتى ءالى، كەلدى بۇگىن الپىسقا ءداۋىتالى...» دەپ تۇيدەكتەتتى جەرلەس جىرشى ابزال بوكەن.

«...الماتى بىزگە ايتاتىن ەدى، اتىڭ كىم دەسە ءداۋىتالى دەپ!» دەپ اعىنان جارىلا اقتارىلدى جەتپىس-سەكسەنىنشى جىلدارى داۋكەڭنىڭ سوڭىنان ەرگەن باۋىرى باۋىرجان جاقىپ.

«...ەرتەرەك كەلگەن ءولىمنىڭ اقىنعا عانا لايىعىن، كوز ىلمەي ءتىرى ءجۇرىپ پاڭ، ولە المايتىنىن باسقانىڭ، كەڭشىلىك، جاراسقان، تىنىشباي، ءداۋىتالى، اسقارىم!» دەپ داۋىلداتتى يرانعايىپ. 47-ءشى جىلى تۋعان يرانعايىپ. داۋكەڭنىڭ قۇرداسى ەدى. «ءبىزدىڭ قاتار قىرىلىپ قالدى!» دەپ ۋىتى اششى، سالماعا ءزىل باتپان اقيقاتتى اقتارىپ سالدى.

«داۋكەڭ ۇلكەن اقىن بولعان كەزدە، ءبىز ءالى بالا بوپ جانىندا ءجۇرۋشى ەك!» دەپ كۇڭىرەنە تولعاندى امانحان ءالىم.

«داۋكەڭ ءبارىمىزدىڭ الدىمىزداعى اقىلشى اعامىز ەدى!» دەدى جازۋشىلار وداعىنىڭ حاتشىسى نۇرلان ورازالين.

اقىن تۋعان توپىراق – اقتوعايدان كەلگەن ارشىل ازامات، اۋداندىق ءماسليحاتتىڭ حاتشىسى مەرحايات وڭعارقۇلوۆ ەستى ەستەلىك تولعادى.

تەاتر ستۋدياسىنىڭ جاس قىز-بوزبالاسىداۋكەڭ جىرلارىنان ويلى كورىنىس ۇسىنعان.

جەرلەس اقىن، داۋكەڭنىڭ باۋىرى عالىم جايلىباي «...تۋلاعان تولقىنداردىڭ اراسىندا جۇرەدى مەنىڭ ۇلىم ساق-ساق كۇلىپ!» اقىننىڭ جىرىن توگىلدىردى. جاستار اقىن ءسۇيىپ ايتقان «اۋدەمجەردى» شىرقادى. اقىننىڭ جارى فاريدا اپامىز ەگىلىپ، ەستەلىك جۇپتادى. ساحنادا اقىننىڭ اكەسى مادىبەك اقساقال وتىر ەدى. اقىننىڭ بالالارى، كەلىندەرى، نەمەرەلەرى كوتەرىلگەندە، ەسكە الۋ كەشىنە جيىلعان قاۋىم ەلجىرەي وتىرىپ، تاۋبە دەستى.

اسپان سۇيگەن اسقار تاۋلار الىستاعان سايىن بيىكتەي بەرەتىنى سەكىلدى، ءداۋىتالى اقىن ومىردەن وزىپ، جىلدار جىلىستاي بەرسە دە، جىرىمەن بيىكتەپ، جىرىمەن جانىمىزعا ءدايىم ورالىپ وتىراتىنى انىق. ويتكەنى، اقىن ماڭگى عۇمىر كەشۋگە، ءتانى بولماسا دا، جانىمەن، جازۋىمەن، جىرىمەن جۇزدەگەن جىلدار جاساي بەرۋگە قۇقىلى. وعان الەم كۋا، كەپىل...

 

سەرىك ساعىنتاي.

 

0 پىكىر