بەيسەنبى, 6 تامىز 2020
COVID-19 قازاقستاندا. جۇقتىرعاندار — 95942. جازىلعاندار — 68871. قايتىس بولعاندار — 1058
3114 4 پىكىر 30 ءساۋىر, 2019 ساعات 17:56

ازاماتتىق باقىلاۋ – بۇل ءوزىن-ءوزى باسقارۋدىڭ العاشقى قادامى

ازاماتتىق باقىلاۋ ازاماتتىق قوعامنىڭ ازاماتتاردىڭ كونستيتۋتسيالىق قۇقىقتارىن بۇزۋىنا جول بەرمەۋ ماقساتىندا مەملەكەتتىك ورگانداردىڭ قىزمەتىنە باقىلاۋ جاساۋ بولىپ تابىلادى. بۇل - ازاماتتاردىڭ قۇقىقتارى مەن زاڭدى مۇددەلەرىنىڭ ساقتالۋىنا جاۋاپتى باقىلاۋ.

قازاقستان قازىرگى الەۋمەتتىك-ەكونوميكالىق جانە قۇقىقتىق، دەموكراتيالىق جانە نارىقتىق مەملەكەتتىڭ دامۋى تۇرعىسىنان ازاماتتىق باقىلاۋ ماسەلەسىنە كوپ كوڭىل بولۋدە. ازاماتتىق باقىلاۋ سالاسى مەملەكەتتىك جانە اكىمشىلىك ورگاندارعا عانا ەمەس، سونداي-اق قوعامدىق ءومىردىڭ كوپتەگەن سالالارىنا: ءدىني، مەديتسينالىق، ءبىلىم بەرۋ جۇيەسى جانە ت.ب. قامتۋ كەرەك.

ازاماتتاردىڭ قۇقىعىن قورعاۋ ماسەلەسى دە بۇدان تىسقارى ەمەس. ازاماتتىق باقىلاۋدىڭ ءبىر كورىنىسى رەتىندە جامبىل وبلىسىندا ورىن العان قىلمىستىق وقيعاعا سول ءوڭىر حالقى بەي-جاي قاراماي، قارشاداي قىزدى ولتىرگەن قىلمىسكەردى تابۋدى تالاپ ەتىپ وتىر. بۇگىنگى تاڭدا وقيعاعا قاتىستى كۇدىكتى ۇستالىپ، ءوز كىناسىن مويىنداعان. بيلىكتىڭ قىزمەتىنە ازاماتتىق باقىلاۋ نەعۇرلىم كوپ بولسا، وندا بيلىك حالىققا قىزمەت ەتە الادى، ويتكەنى ازاماتتىق باقىلاۋ بيلىكتىڭ قوعامدىق مۇددەنى ساقتاۋىنا كەپىلدىك بەرەتىنىنىڭ بىردەن ءبىر كورىنىسى.

ازاماتتىق باقىلاۋ – بۇل ءوزىن-ءوزى باسقارۋدىڭ العاشقى قادامى دەي كەلە، وسى تۇرعىدا "ازاماتتىق باستامالاردى قولداۋ ورتالىعى" كەاق باسقارما توراعاسى باتيما مۋكينا الەم ەلدەرى پراكتيكاسىندا ازاماتتىق باقىلاۋدىڭ قالاي جۇزەگە اسىرىلاتىنان بىرقاتار مالىمەت بەردى.

ء"اربىر مەملەكەت باسقارۋدىڭ ءارتۇرلى دەڭگەيلەرىندە جانە ءار ءتۇرلى ماقساتتار ءۇشىن قوعامدىق باقىلاۋ ينستيتۋتتارىن ەنگىزەدى. مىسالى، قىتاي جانە كوپتەگەن اراب مونارحيالارى قوعامدىق باقىلاۋ ەلەمەنتتەرىن سەلولار مەن شاعىن قالالار دەڭگەيىندە ەنگىزەدى. مالايزيا مەن سينگاپۋردا قوعامدىق باقىلاۋ ينستيتۋتتارى قوعامدىق پىكىردىڭ ەسەبىن جۇرگىزەدى، ازاماتتاردىڭ كوڭىل - كۇيىن قاداعالايدى جانە ولاردىڭ تىلەكتەرىن نازارعا الادى. بىرقاتار ەۋروپا ەلدەرىندە (اقش، ەۋروپا ەلدەرى) قوعامدىق باقىلاۋدى قامتاماسىز ەتۋ شەڭبەرىندە اقپاراتقا قول جەتكىزۋدىڭ، مەملەكەتتىك ورگاندار جانىنداعى كوممەرتسيالىق ەمەس ۇيىمدار، كەڭەستەر، كوميتەتتەر تاراپىنان باقىلاۋدىڭ نورماتيۆتىك - قۇقىقتىق اكتىلەرىن قابىلدايدى", - دەيدى باتيما مۋكينا.

باسقارما توراعاسىنىڭ ايتۋىنشا، ۇيىمنىڭ گرانت جوسپارىنىڭ ازاماتتىق قوعامدى دامىتۋعا، ونىڭ ىشىندە ۇكىمەتتىك ەمەس ۇيىمدار قىزمەتىنىڭ تيىمدىلىگىن ارتتىرۋعا جاردەمدەسۋ اتتى ونىنشى باعىتىنا سايكەس 2019 جىلعى ناۋرىز-قاراشا ارالىعىندا بەس الەۋمەتتىك باستامانى ىسكە اسىرۋ بويىنشا "ازاماتتىق باقىلاۋ" قوعامدىق مونيتورينگىن جۇرگىزۋ تاقىرىبىندا ىسكە اسىرىلادى.

ء"بىز ءوز باعىتىمىزدا ازاماتتىق باقىلاۋعا ەرەكشە ءمان بەرەمىز. سوندىقتاندا حالىقتىڭ، اسىرەسە گرانتتىق كونكۋرسقا قاتىساتىن ۇەۇ وكىلدەرىنىڭ كەرەكتى كەڭەستى وزدەرىنە ىڭعايلى جاعدايدا الۋ ماقساتىندا گرانتتىق قارجىلاندىرۋ ماسەلەلەرى بويىنشا بىرىڭعاي Call- سenter (8 800 080 77 50) جۇمىس اتقارادى", - دەيدى باتيما قۋانىشقىزى.

ونىڭ ايتۋىنشا، ازاماتتار ۇكىمەتتە، ءوڭىردى، ەلدى باسقارۋدا نە بولىپ جاتقانىن كوبىرەك تۇسىنگىسى كەلەدى.

Abai.kz

4 پىكىر