سەنبى, 24 قازان 2020
COVID-19 قازاقستاندا. جۇقتىرعاندار — 110250. جازىلعاندار — 105566. قايتىس بولعاندار — 1796
2225 0 پىكىر 30 ءساۋىر, 2019 ساعات 10:39

قازاقستان مەن وزبەكستان ورتاق Silk Visa-نى دايىنداۋعا كىرىسىپ كەتتى

قازاقستان مەن وزبەكستان بيىل اقپان ايىندا ەۋروپالىق شەنگەن ۆيزاسى سەكىلدى ورتاق Silk Visa-نى شىعارۋعا كەلىسكەن.

وزبەكستاننىڭ مەملەكەتتىك تۋريزم كوميتەتىنىڭ توراعاسى ۋلۋگبەك كاسيمحودجاەۆ قازىر ورتاق ۆيزانى شىعارۋ جۇمىستارى ءجۇرىپ جاتقانىنان حاباردار ەتتى. ازىرگە شەشىمى تابىلماي تۇرعان ءبىر ماسەلە - ۆيزانىڭ قۇنى.

«قازاقستان ۆيزاسىنىڭ باعاسى مەن بىزدىكى ەكىبولەك. ءبىز باعانى تەڭەستىرۋىمىز كەرەك»، – دەيدى ۋلۋگبەك كاسيمحودجاەۆ.

وسىعان دەيىن Silk Visa جوباسىنا قىرعىزستان، تاجىكستان قوسىلۋعا نيەت بىلدىرگەن. ال تۇركىمەنستان ازىرگە ويلانىپ جاتىر. بۇل جوباعا بولاشاقتا تۇركيا مەن ازەربايجان دا كىرۋى مۇمكىن.

ساراپشىلار ورتالىق ازيا ەلدەرىنە ورتاق ۆيزا جۇزەگە اسسا، ايماققا كەلەتىن تۋريستەر سانى دا ارتادى دەپ وتىر.

Abai.kz

0 پىكىر