سەنبى, 24 قازان 2020
COVID-19 قازاقستاندا. جۇقتىرعاندار — 110250. جازىلعاندار — 105566. قايتىس بولعاندار — 1796
2269 0 پىكىر 29 ءساۋىر, 2019 ساعات 12:36

لاتۆيادا «اباي» اقپاراتتىق ورتالىعى اشىلدى

ريگا قالاسى لاتۆيا ۋنيۆەرسيتەتىنىڭ اكادەميالىق كىتاپحاناسىندا «اباي» اتىنداعى قازاقستاندىق اقپاراتتىق ورتالىعى اشىلدى.

ورتالىقتا قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ قىزمەتى تۋرالى، ونىڭ حالىقارالىق ساياسي ارەناداعى ءرولى، سونداي-اق بەلگىلى قازاق جازۋشىلارى قازاق، ورىس جانە اعىلشىن تىلدەرىندەگى ەڭبەكتەرى تۋرالى باياندالادى. بارلىعى 200-دەن استام كىتاپ كىتاپحاناعا سىيعا تارتىلادى.

ارينە، بۇل كىتاپتار وقىرمانداردىڭ قىزىعۋشىلىعىن تۋدىرادى جانە قازاق حالقىنىڭ مادەني قۇندىلىقتارىنا جاقىنداۋعا ۇمتىلادى. بۇل قازاقستاننىڭ جەتىستىكتەرى، ەكونوميكا، ساياسات، الەۋمەتتىك سالادا ادەبيەت ارقىلى جەتىستىكتەرى تۋرالى ايتۋ مۇمكىندىگى.

لاتۆيا ۋنيۆەرسيتەتىنىڭ اكادەميالىق كىتاپحاناسى (بۇرىنعى ريگا قالالىق كىتاپحاناسى، مەملەكەتتىك تاريحي كىتاپحانا، لاتۆيا عىلىم اكادەمياسىنىڭ ىرگەلى كىتاپحاناسى) لاتۆياداعى ەڭ كونە كىتاپحانالاردىڭ ءبىرى، بۇرىنعى كەڭەس وداعىنا كىرەتىن جانە ەۋروپاداعى بەس ءىرى كونە كىتاپحانالارىنىڭ ءبىرى، سونداي-اق، لاتۆيا –  بۇرىنعى كەڭەس وداعىنىڭ كىرگەن ەسكى قالا.

كىتاپحانانىڭ رەسمي قۇرىلعان جىلى – 1524 جىل. كىتاپحانانىڭ ماقتانىشى بولىپ تابىلاتىن ەكى ءجۇز ينكۋنبۋلاسى بار، – ولاردىڭ بىرەۋى 1460 جىلى ماينتستە جارىق كورگەن يوگانن بالبۋس «كاتوليكوونى»، سونداي-اق، يەرونيمنىڭ تيەسىلى ماينتستا جارىق كورگەن «Epistolae et tractatus Incunabulum»  بولىپ تابىلادى. لاتۆيانىڭ عىلىم اكادەمياسىنىڭ ىرگەلى كىتاپحاناسى، ەۋروپانىڭ تاريحىندا العاش رەت 1480 جىلى ۆەنەتسيادا جاريالانعان «Liber pandectarum medicinae» اتتى العاشقى مەديتسينالىق لەكسيكونعا يە - ونىڭ اۆتورى م.سيلۆاتيكۋس. كىتاپحانادا جۇزگە جۋىق پالەوتيپتەر بار، سونداي-اق ەجەلگى اۆتورلاردىڭ شىعارمالارى، ادەبيەت كلاسسيكاسى - گوراتس، تيت ليۆيا، وۆيد جانە باسقا دا جازۋشىلاردىڭ شىعارمالارى بار. ولاردىڭ تۇپنۇسقا تىلىندەگى ەڭبەكتەرى فۋندامەنتالدى كىتاپحانانىڭ ەكىنشى قولجازباسىن قۇرايدى

ايتا كەتەيىك، 2016 جىلدان باستاپ قازاقستان رەسپۋبليكاسىنىڭ ۇلتتىق اكادەميالىق كىتاپحاناسى قر مادەنيەت جانە سپورت مينيسترلىگى مەن قر سىرتقى ىستەر مينيسترلىگىنىڭ سونداي-اق، قر ەلشىلىكتەرىنىڭ قولداۋىمەن قر ۇلتتىق اكادەميالىق كىتاپحاناسى شەت ەلدەردىڭ ۇلتتىق كىتاپحانالارىندا قازاق ادەبيەت ورتالىقتارىنىڭ اشىلۋىنا ارنالعان حالىقارالىق جوبانى جۇزەگە اسىرۋدا.

حالىقارالىق جوبانىڭ ماقساتى - قازاق حالقىنىڭ تاريحى مەن مادەنيەتىن، سالت-داستۇرلەرىن، ەكونوميكانىڭ قازىرگى زامانعى مەملەكەتىنىڭ جەتىستىكتەرىن، ساياساتتى، الەۋمەتتىك سالانى، كلاسسيكالىق جانە زاماناۋي پروزا مەن پوەزيانىڭ ادەبي بايلىعىن دامىتۋ.بۇگىنگى تاڭدا الەمنىڭ 30 ەلىندە كورەيا، قىرعىز رەسپۋبليكاسى، فينليانديا، ۆەنگريا، رەسەي فەدەراتسياسى، ارمەنيا، مالايزيا، تۇركيا، قىتاي حالىق رەسپۋبليكاسى، گرۋزيا، فرانتسيا، جاپونيا، شۆەتسيا، ماكەدونيا، بولگاريا، چەحيا، يتاليا، اقش (نيۋ-يورك كوپشىلىك كىتاپحاناسى جانە كونگرەسس كىتاپحاناسى) ياكۋتيا رەسپۋبليكاسى، چۋۆاش رەسپۋبليكاسى، ساحا، رۋمىنيا، يران، ارگەنتينا، برازيليا، ۋدمۋرتيا، گەرمانيا، يسپانيا كىتاپحانالارىندا ورتالىقتار اشىلىپ، جۇمىس ىستەيدى.

Abai.kz

0 پىكىر