بەيسەنبى, 2 ءساۋىر 2020
COVID-19 قازاقستاندا. جۇقتىرعاندار — 402. جازىلعاندار — 27. قايتىس بولعاندار — 3
46 - ءسوز 2514 2 پىكىر 29 ءساۋىر, 2019 ساعات 12:17

مۇنداي جوبا بۇكىل وبلىسقا كەرەك

ءجۋرناليستپىن عوي. كەدەيلىكتىڭ ەڭ سوڭعى شەگىندە ءومىر ءسۇرىپ جاتقان، جەرتولەدە تۇراتىن وتباسىلاردىڭ تالايىن كوردىم، كورىپ ءجۇرمىن. ءومىرى - ءومىر ەمەس، جəي تىرشىلىك ءۇشىن كۇرەس بوپ كەتكەن. يə! وزگەرگىسى كەلەدى. جاڭادان ءومىر باستاپ كورگىسى كەلەدى. بىردەمە باستايتىن دەسە اقشا جوق، نەسيە سۇراپ بانككە بارسا - و جاق، كەپىلگە زات-مۇلىك سۇرايدى. نە ىستەيدى؟ كىجىنەدى. باسىنداعى قيىندىقتاردى بىرەۋدەن، بيلىكتەن كورەدى، شەرۋگە ءبىرىنشى بوپ شىعاتىن دا وسىنداي ازاماتتارىمىز. سەبەبى جوعالتار دۇنيەءسى جوق.

وسىنداي قارسىلىق كوڭىل-كۇيدەگى، جاعدايى وتە تومەن وتباسىلاردى نە ەتۋگە بولادى؟ پىكىر پىشەن. سول كوپ پايىم-ۇسىنىستىڭ ىشىندە، ماعان ماڭعىستاۋ وبلىسى اكىمىنىڭ "بيزنەس 3 كۇندە" جوباسى كوڭىلگە قونىمدى كورىندى. بۇل پروەكت نەسىمەن باسقاشا دەيسىز بە؟

كەز-كەلگەن قازاقتىڭ ءولدى دەگەندە əيەلى جاقسى تاماق پىسىرەدى يə؟ نەگە سول، ءتəتتى توقاش، تورت پىسىرە الاتىن قابىلەتىن بيزنەسكە اينالدىرماسقا؟! ءوووي، پەش كەرەك، كرەم كەرەك دەيسىز بە؟ پروبلەم جوق، كەرەك تەحنيكانىڭ ءبəرىن əپەرەدى. ازىق-تۇلىك، ۇنىڭىزعا دەيىن əكەپ بەرەدى. ويباي، تورتىمدى، توقاشىمدى كىم الادى،-دەيسىز بە؟ ماگازيندەرمەن سويلەسىپ قويامىز، و جاقتاعىلار كۇندەگىسىن كۇندە ساتىپ الىپ تۇرادى،-دەپ وتىر. تەك ءسىز جاساپ تۇرىڭىز. بىلايشا ايتقاندا، قاي كاسىپكە يكەمىڭىز بار، سəل-پəل ۇيرەتىپ-ۇيرەتىپ جىبەرەدى دە، بيزنەستى دايىن كۇيدە قولىڭىزعا ۇستاتادى. شارۋاڭىز دۇرىستالىپ كەتكەنشە، 1 اي بويى، بار جاعىنان جاردەمدەسەدى دە. مىنە، "بيزنەس 3 كۇندە" دەگەنى وسى...

ءبىر قىزىعى، بۇل جوباعا – جەلىلىك ماركەتينگتىڭ تاسىلدەرىن كەڭىنەن قولدانىپ جاتىر. مىسالعا، 1-2 اي ىشىندە كəسىبىڭىز قارقىندى دامىپ، اياققا تۇرىپ كەتتىڭىز دەيىكشى؟! ەندى ءسىز، بيزنەس-جەتەكشى بولىپ، جاعدايى تومەن وتباسىلاردى كاسىپ اشۋعا شاقىرىپ، ولارعا بيزنەستى جۇرگىزۋگە كومەكتەسە الاسىز. ول ادامدارىڭىز، كاسىبىن دوڭگەلەتىپ اكەتسە، جەتەكشىلىك جاساعان سىزگە، əلگىلەردىڭ ارقايسىسى ءۇشىن قارجىلاي ماراپات بەرىلەدى. 100 مىڭ تەڭگە ما، سونداي... كەرەمەت قوي؟!

كەرەمەتتىگى سول، ءسىز اقشا الاسىز ءəرى تىعىرىقتان ءبىر باۋىرىڭىزدى شىعاراسىز! ول ەندى ولە-ولگەنشە ءسىزدى سىيلاپ وتەدى. مىنە، بۇل جوبا كəسىپكەرلىكپەن قاتار، باۋىرماشىلدىقتى دا ارتتىرادى ەكەن. بۇل ءبىر. ەكىنشى جاعى بار! وسى ماركەتينگ جۇيەسىنىڭ ارقاسىندا، كاسىپكەر دايىنداۋ مىندەتى əكىمشىلىك، ارنايى مامانداردىڭ موينىنا ءتۇسىپ، حالىق ءوزى كاسىپكەرلەر دايىنداي باستايدى. حالىقتىق ناۋقانعا اينالىپ كەتەدى...

اتالمىش جوبا – مەملەكەتتىڭ بيۋدجەتىنىڭ ءبىر تيىنىن دا جۇمساماستان، وڭىردەگى مەتسانات-كاسىپكەرلەردىڭ قولداۋىمەن جۇزەگە اسىرىلۋدا.

ەندى ايتىڭىزشى؟! وسىنداي جوبا، بۇكىل وبلىسقا كەرەك ەمەس پە؟ نە دەيسىز؟

نۇربەك بەكباۋدىڭ facebook پاراقشاسىنان

Abai.kz

2 پىكىر