جۇما, 29 ناۋرىز 2024
3760 3 پىكىر 29 ءساۋىر, 2019 ساعات 10:45

وسك-عا توعىزىنشى كانديدات قۇجات تاپسىردى

جەكسەنبى، ءساۋىردىڭ 28-ءى كۇنى ورتالىق سايلاۋ كوميسسياسى كەزەكتەن تىس پرەزيدەنت سايلاۋىنا قاتىسۋعا نيەت بىلدىرگەن جۇماتاي اليەۆتىڭ قۇجات تاپسىرعانىن حابارلادى. ونى "حالىق دەموگرافياسى" قوعامدىق بىرلەستىگى ۇسىنعان. 

اشىق دەرەككوزدەرىندەگى مالىمەتكە سايكەس، جۇماتاي اليەۆ 1952 جىلى جامبىل وبلىسىندا تۋعان. لەنينگراد مەمدەكەتتىك ۋنيۆەرسيتەتىنىڭ فيلوسوفيا فاكۋلتەتىن بىتىرگەن. الماتى حالىق شارۋاشىلىعى ينستيتۋتىندا دا جوعارى ءبىلىم العان.

ۇزاق جىلدار بويى ۋنيۆەرسيتەتتە ساباق بەرگەن. 1997-2001 جىلدارى ورتالىق ازيا ۋنيۆەرسيتەتىن باسقارعان. 2012-2016 جىلدارى ارالىعىندا پارلامەنت ءماجىلىسىنىڭ دەپۋتاتى بولعان. 2013 جىلى قازاقستان حالقىنىڭ سانىن 20 ميلليونعا جەتكىزۋ ماقساتىندا جاساندى تۇسىك جاساتۋعا تىيىم سالۋ تۋرالى باستاما كوتەرگەن.

قازاقستاندا پرەزيدەنتتىككە ۇمىتكەرلەردى ۇسىنۋ كەزەڭى 28 ساۋىردە كەشكى ساعات 18:00-دە اياقتالادى.

بۇدان كەيىن كانديداتتاردى تىركەۋ 11 مامىرعا دەيىن جالعاسادى. ەلدە كەزەكتەن تىس پرەزيدەنت سايلاۋى 9 ماۋسىمدا وتەدى.

قازىرگە دەيىن ساياسي پارتيالار مەن قوعامدىق بىرلەستىكتەر ۇسىنعان كانديداتتاردىڭ ءتىزىمى:

سادىبەك تۇگەل - "ۇلى دالا قىراندارى" رەسپۋبليكالىق قوزعالىسى​ ء(تىل ەمتيحانىنان ءوتتى);

قاسىم-جومارت توقاەۆ - "نۇر وتان" پارتياسى ء(تىل ەمتيحانىنان ءوتتى);
امانگەلدى تاسپيحوۆ - قازاقستان كاسىپوداقتار فەدەراتسياسى ء(تىل ەمتيحانىنان ءوتتى);

دانيا ەسپاەۆا - "اق جول" پارتياسى ء(تىل ەمتيحانىن تاپسىردى);

تولەۋتاي راقىمبەكوۆ - "اۋىل" پارتياسى ء(تىل ەمتيحانىنان ءوتتى);

جامبىل احمەتبەكوۆ - قازاقستان كوممۋنيستىك حالىق پارتياسى ء(تىل ەمتيحانىنان ءوتتى);

ءامىرجان قوسانوۆ - "ۇلت تاعدىرى" قوزعالىسى (وسك-عا قۇجاتتارىن وتكىزدى).

تالعات ەرعاليەۆ - "قازاقستاننىڭ قۇرىلىسشىلار وداعى" رەسپۋبليكالىق بىرلەستىگى (وسك-عا قۇجاتتارىن وتكىزدى);

جۇماتاي اليەۆ - "حالىق دەموگرافياسى" قوعامدىق بىرلەستىگى (وسك-عا قۇجاتتارىن وتكىزدى).

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553