جۇما, 10 ءساۋىر 2020
COVID-19 قازاقستاندا. جۇقتىرعاندار — 802. جازىلعاندار — 63. قايتىس بولعاندار — 9
2199 10 پىكىر 26 ءساۋىر, 2019 ساعات 17:21

ورتالىق ازيا ليدەرلەرى بەيجىڭدە ء"بىر بەلدەۋ – ءبىر جول" فورۋمىنا قاتىسىپ جاتىر

26 ساۋىردە قىتاي استاناسىندا ء"بىر بەلدەۋ – ءبىر جول" فورۋمى باستالدى. وعان قاتىسىپ جاتقان 37 مەملەكەتتىڭ ىشىندە وزبەكستان، قازاقستان، قىرعىزستان، تاجىكستان ەلدەرىنىڭ باسشىلارى بار.

شارانىڭ اشىلۋ سالتاناتىنا قازاقستاننىڭ تۇڭعىش پرەزيدەنتى نۇرسۇلتان نازارباەۆ تا قاتىسقان. بۇل جونىندە ونىڭ ءباسپاسوز حاتشىسى ايدوس ۇكىباي Twitter پاراقشاسىنا جازدى.

بۇل فورۋمدا ء"بىر بەلدەۋ - ءبىر جول" باستاماسىنىڭ التى جىلعى جۇمىسىنا ەسەپ بەرىلىپ، ءارى قارايعى دامۋ باعىتى ايقىندالماق.

قىتايدى ەۋروپا، افريكا جانە ازيانىڭ وزگە ايماقتارىمەن بىرىكتىرەتىن بۇل جوبانىڭ قۇنى - تريلليون دوللار.

قىتايدىڭ باستاماسىمەن جۇزەگە اسىرىلىپ جاتقان بۇل جوبا قۇراما شتاتتاردىڭ جانە ەۋروپا وداعى ەلدەرىنىڭ سىنىنا ىلىككەن. ولار قىتاي بىرقاتار دامۋشى ەلدەردى قارىزعا باتىرىپ وتىر دەيدى.

2013 جىلدان بەرى ء"بىر بەلدەۋ - ءبىر جول" جوباسىنا قىتاي 90 ملرد دوللار قارجى ءبولدى. ال قىتاي بانكتەرىنىڭ شەتەلدىكتەرگە قارىز رەتىندە بەرگەن سوماسى - 200 ملرد دوللار.

Abai.kz

10 پىكىر