سەنبى, 16 قاڭتار 2021
46 - ءسوز 2693 8 پىكىر 25 ءساۋىر, 2019 ساعات 13:08

الداعى ۋاقىتتا ىسكە اسۋى ءتيىس 5 قادام

ەلدەگى ساياسي پروتسەستەرگە قاتىستى جازبالارعا قاراپ وتىرساڭ ءبىزدىڭ ساياسي مادەنيەتتە نە بىرجاقتى قازىرگى جۇيەنى جاقتاۋ كەرەك، نە بىرجاقتى جامانداۋ كەرەك. ورتاسى جوق. ساۋاتتى ديسكۋسسيا، سالماقتى اناليز وتە از. ەكى تاراپ تا ءبىر ءبىرىنىڭ ءسوزىن كوتەرە المايدى. نە بار قىلۋ كەرەك، نە تولىعىمەن جوق قىلۋ كەرەك. نەگىزى قوعام بولىپ جەتىستىككە دە، كەمشىلىككە دە وبەكتيۆتى ساراپتاما جاسايتىن دەڭگەيگە ءوسۋىمىز قاجەت. ەشكىم كوشەگە شىعىپ توڭكەرىس جاساسىعى كەلىپ جاتقان جوق. جۇيەنىڭ كەمشىلىگىن جازعان ازامات ول ەلدىڭ جاۋى دەگەن كوزقاراستان ارىلۋ كەرەك.

بيلىكتىڭ سوڭعى ەكى ايدا جاساعان ەكى وڭ قادامى بار:

1. ەلباسىنىڭ بيلىكتەن ءوز ەركىمەن كەتۋى.

2. كانديدات رەتىندە توقاەۆتى ۇسىنۋى. شىنىندا قازىرگى ءبىزدىڭ جاعدايىمىزدا ەڭ وپتيمالنىي كانديدات.

دەگەنمەن الداعى ۋاقىتتا تاعى 5 وڭ قادام ىسكە اسىرىلۋى قاجەت:

1. سايلاۋ پروتسەسى ادىلەتتى جولمەن، بارلىق كانديداتتارعا تەڭ مۇمكىندىكپەن ءوتۋى ءتيىس. ساياسي دەبات ۇيىمداستىرىلسا قوعامنىڭ دامۋىنا دۇرىس ىقپال ەتەدى.

2. ساياسي ترانزيت اياقتالعاننان كەيىن بيلىكتىڭ ەكى تىزگىنى تولىق ءبىر قولعا ياعني زاڭدى پرەزيدەنتكە بەرىلۋى كەرەك.

3. بيلىكتى ەكىنشى پرەزيدەنت العاننان كەيىن ەلباسى كانتسەليارياسىنا قاجەتتىلىك جوق. بيۋدجەتكە شىعىن. كەرەك ەمەس ينستيتۋت. ءبىرىنشى پرەزيدەنت تولىق پەنسياعا كەتسە بارىنە ءتيىمدى. ەكىنشى پرەزيدەنت باسقاعا جالتاقتاماي ءوز پوتەنتسيالىن تولىق كورسەتۋىنە جول اشىلسىن. ەلباسىنىڭ 30 جىلى بولدى. شاما-شارقى كورىندى. ەندى بيلىكتىڭ كەلەسى تولقىنىنا تولىق ەرىك بەرگەنى ەلدىڭ دامۋىنا قاجەت. ەلباسى تۋىستارى مەن وتباسىن بيۋدجەتتەن قارجىلاندىرۋ دا ارتىق قادام. كەدەي ەمەس. بۇل شىعىننىڭ جىلدىق ەسەبىن جاريالاسا بارلىق سۇراقتىڭ جاۋابى شىعادى. ەلدە تابىسى تومەن وتباسىلار جەتەرلىك. اتالعان قارجىنىڭ وسى سالاعا جۇمسالعانى دۇرىس.

4. بيلىك پەن ونى جاقتايتىن ەل ازاماتتارى، مينيسترلەر مەن دەپۋتاتتار ء"بارى ءسىزدىڭ ارقاڭىزدا" دەگەن سارىنداعى جاعىمپازدىق پەن اسىرا سىلتەۋدەن كەتۋى قاجەت.

5. ەلباسىنىڭ تۋعان-تۋىستارى بيلىكتىڭ بيىك مىنبەرىنەن كەتكەنى ءجون. بىزدە جوعارى ءبىلىمدى، ەلىم دەگەن جاستار جەتەرلىك. سولارعا ورىن بوساتىلسا قازىرگى جۇيەگە دەگەن سەنىم دە ارتادى.

وسى اتالعان 5 وزگەرىس الداعى 1 جىلدا ىسكە اسسا قازاقستانداعى بيلىك ترانزيتىنە رەسپەكت دەۋگە بولادى!

باۋىرجان سەرىكباەۆتىڭ facebook پاراقشاسىنا

Abai.kz

8 پىكىر