سەنبى, 2 ناۋرىز 2024
ساياسات 7654 18 پىكىر 10 ءساۋىر, 2019 ساعات 11:34

بۇل سايلاۋ – ەلدەگى دەموكراتيالىق ەركىن بولاشاقتى قۇرۋعا مۇمكىندىك بەرمەك

مەملەكەت باسشىسى قاسىم-جومارت كەمەلۇلى توقاەۆ 2019 جىلدىڭ 9 ماۋسىمىندا ەلىمىزدە كەزەكتەن تىس پرەزيدەنت سايلاۋىن وتكىزۋ تۋرالى شەشىمىن جاريالادى. پرەزيدەنت ءوز سوزىندە ايتقانداي، ۇكىمەت، پارلامەنت جانە پارتيا باسشىلارىمەن اقىلداسا وتىرىپ شەشكەن شەشىمى ەلدەگى تىنىشتىقتى، ساياسي-الەۋمەتتىك تۇراقتىلىقتى ساقتاۋ ماقساتىندا قابىلدانىپ وتىر دەپ ەسەپتەيمىز. دەموكراتيالىق قوعامدا رەتىمەن، تارتىبىمەن بولاتىن بۇل سايلاۋ قازاقستان ءۇشىن سىندارلى جاڭا كەزەڭنىڭ باستاۋى بولماق!

قاسىم-جومارت كەمەلۇلىنىڭ تۇڭعىش پرەزيدەنتىمىزدىڭ قاسىندا سەنىمدى سەرىگى، ءارى ءىزباسار كومەكشىسى بولىپ كوپ جىلدار قىزمەت اتقارىپ كەلگەنى ءمالىم. عىلىم مەن تەحنولوگيانىڭ قارقىندى دامۋى، قازىرگى زامانداعى الەمدە بولىپ جاتقان الەۋمەتتىك-ەكونوميكالىق، ەكولوگيالىق، مادەني جانە ساياسي وزگەرىستەر بىزگە كوپتەگەن تالاپتاردى قويىپ وتىر. سول سەبەپتى ەل باسقارۋ ىسىندە مول تاجىريبە جيناپ، ەل ىشىندەگى ماسەلەلەرگە قانىق بولىپ جۇرگەن پرەزيدەنتىمىزدىڭ يگى باستامالارىنا حالىق بولىپ قولداۋ ءبىلدىرۋىمىز كەرەك دەپ ەسەپتەيمىن.

تاۋەلسىزدىگىمىزدىڭ نىعايۋى، ونىڭ باياندى بولۋى ءۇشىن ەلىمىزدەگى ساياسي تۇراقتىلىق پەن ەكونوميكامىزدىڭ ۇزدىكسىز دامۋى اۋاداي قاجەت. ەل بىرلىگى مەن بەيبىتشىلىگى – باستى قۇندىلىعىمىز! حالقىمىزدىڭ نەگىزگى ماقسات-مۇراتى وسى ەكەنى بارشاعا ايان. بەيبىت، توقشىلىق زامان بولماي ونەر-ءبىلىم، مادەنيەتتىڭ دە دامۋى ەكىتالاي. سوندىقتان رەسپۋبليكامىزداعى تۇراقتىلىقتىڭ كەپىلى بولىپ وتىرعان قازىرگى ۇستانعان باعىتىمىز جالعاسىن تابادى دەپ ويلايمىن. بۇل سايلاۋ – ەلدەگى بەيبىتشىلىك پەن كەلىسىمدى ساقتاي وتىرىپ، الەۋمەتتىك-ساياسي جاڭعىرۋعا، الەمنىڭ ۇزدىك ەلدەرى قاتارىنا قوسىلۋ جولىندا جاڭا دەموكراتيالىق ەركىن بولاشاقتى قۇرۋعا مۇمكىندىك بەرمەك.

ارمان جۇدەباەۆ

قۇرمانعازى اتىنداعى قازاق ۇلتتىق كونسەرۆاتورياسىنىڭ

رەكتورى

Abai.kz

18 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 512
الاشوردا

قوجانوۆ مەجەلەۋ ناۋقانىندا

بەيبىت قويشىباەۆ 339
عيبىرات

قايسار رۋحتى عازيز جان

مۇحتار قۇل-مۇحاممەد 788