ول سايلاۋلار تۋرالى زاڭعا سايكەس، پىكىرتالاستار قوعامدىق تەلەارنانىڭ تىكەلەي ەفيرىندە كورسەتىلۋى ءتيىس ەكەنىن ەسكەرتىپ، بىراق زەلەنسكيدىڭ ستاديوندا وتكىزۋ جونىندەگى ۇسىنىسىن قابىل الدى. "ستاديون بولسا، جارايدى ستاديون. مەن ءسىزدى كۇتەمىن، ۆلاديمير الەكساندروۆيچ",- دەپ مالىمدەدى پوروشەنكو Twitter ارقىلى جاريالاعان بەينەباياندا.

وعان دەيىن قازىرگى پرەزيدەنت تەلەگرام-كانالى ارقىلى "ۋكرايناداعى سايلاۋلار جونىندەگى" زاڭعا سايكەس دەباتتار ەكىنشى تۋر الدىنداعى سوڭعى جۇمادا، تىكەلەي ەفير ارقىلى ءوتۋى ءتيىس دەگەنىن ەسكەرتكەن. بىراق ول جازىلۋشىلارىنا "زاڭعا سايكەس قادام جاسايىن با، الدە بۇزايىن با" دەپ ساۋال تاستادى. كوبى ەكىنشىسىنە داۋىس بەردى.

سايلاۋدىڭ ءبىرىنشى كەزەڭىندە زەلەنسكيدەن از داۋىس العان پوروشەنكو "پرەزيدەنت بولۋ نە قولباسشى بولۋ ويىن ەمەس نەمەسە كوپشىلىككە ۇناۋ ەمەس. سايلاۋ الدىنداعى دەباتتار — شوۋ ەمەس ءارى ونى ويىن-ساۋىق ءۇشىن ۇيىمداستىرمايدى" دەپ اتاپ وتكەن. ول سونىمەن بىرگە قارسىلاسىنىڭ "گەوساياسي ساعاتتارى" قاراما-قارسى ەكەنىن، ۋكراينانى ەشكىمنىڭ الدىنا تىزگە بۇكپەيتىن مىقتى ەۋروپالىق مەملەكەت رەتىندە كورەتىنىن" جاريالاعان.

تاياۋدا ۆلاديمير زەلەنسكي ەگەر دەبات كيەۆتىڭ "وليمپيادا" ستاديونىندا وتكىزىلەتىن بولسا عانا پوروشەنكومەن پىكىر-تالاسقا شىعۋعا دايىن ەكەنىن مالىمدەگەن. ول سونىمەن بىرگە دەباتقا بارلىق جۋرناليستەر كەلۋى ءتيىس ءارى بارلىق كانالدان كورسەتىلۋى كەرەك دەگەن شارت قويعان.

ۋكراينا ورتالىق سايلاۋ كوميسسياسى بەيسەنبى كۇنى داۋىستى ساناۋدى اياقتادى. ناتيجەسى بويىنشا، ۆلاديمير زەلەنسكي سايلاۋشىلاردىڭ 30 پايىزىن جيناعان. ال مەملەكەت باسشىسى پەتر پوروشەنكو 16 پايىز داۋىس جيناعان. سايلاۋدىڭ كەزەكتى كەزەڭى 21 ساۋىردە وتەدى.

Abai.kz