جۇما, 29 ناۋرىز 2024
46 - ءسوز 13254 14 پىكىر 4 ءساۋىر, 2019 ساعات 10:16

"قاراعاندىداعى ارمياندار نە بولدى؟"

ماعان كوپ قويىلاتىن سۇراقتىڭ ءبىرى "قاراعاندىداعى ارمياندار نە بولدى؟". جەكەمە جازادى. كەيبىر پوستتارىمنىڭ استىنا پىكىر رەتىندە جازادى، پاراقشاما مەنى بەلگىلەپ جازادى.

ارينە، تۋعان قالامدا سونداي شۋلى دۇنيە تۋىنداعان كەزدە ەرىكتى تۇردە ارالاستىم. بەلگىلى ءبىر دارەجەگە دەيىن جۋرناليستىك قىزمەتىمدى كورسەتتىم. بارىنشا بەيتاراپ بولۋعا تىرىستىم. وقيعا ەپتەپ باسىلدى-اۋ دەگەننەن سوڭ، ءتيىستى ورگاندار مەن سول ورگانداردىڭ ءباسپاسوز قىزمەتىنىڭ جۇمىس ساپاسىنا سەنىپ، بۇل ماسەلەگە ارالاسپايمىن دەگەن بولاتىنمىن. بىرەۋدىڭ (تاپ وسى جەردە قاراعاندى وبلىسى ءىىد باسشىسى جاناتاي سەمبەكوۆتىڭ زەينەتتەگى پولكوۆنيك پەن سونداعى باسقا دا قىز-جىگىتتەردىڭ) جۇمىسىن سوڭىنا دەيىن ىستەپ بەرۋگە قول قويماعانمىن. ءوزىمنىڭ وتباسىم، اعايىن-تۋىسىم بار دەگەندەي...

حوش، ماسەلەگە كەلسەك. ءيا، ول ماسەلەگە ءالى نۇكتە قويىلعان جوق. ياعني، سوت بولعان جوق. تاۋىق ۇرلاعان شارۋا ەمەس، كىسى ءولىمى بولعان جەردە ءىستىڭ جىلدام اياقتالمايتىنى بەلگىلى عوي.

ماعان وتكەن اپتادا قايتىس بولعان بالانىڭ اكەسى باقىتجان اعامىز حابارلاستى. ء"وزىڭ باسى-قاسىندا بولدىڭ. قۇزىرلى ورگانداردىڭ نە دەگەنىن، ءىستى جۇرگىزۋ بارىسىنان ۇنەمى حابار بەرىپ تۇرامىز دەگەنىن ەستىدىڭ. باق اپتا سايىن مالىمەت تاراتىپ وتىرادى دەگەن. ولاردىڭ بىرەۋى باقايىن قيمىلداتپاي وتىر. سەن مەنى ەفيرگە شىعار. مەنىڭ ەلگە ايتارىم بار. حالىق "بالاسىن ءبىر بولمەلى پاتەرگە ساتىپ جىبەرگەن" دەگەن جەل ءسوز شىعاردى. كەزدەسكەندە بەتىمە تۋرا قاراپ، وسى راس پا دەگەندەر دە بار. وسىنىڭ جالعان ەكەنىن ايتايىق. ءىستىڭ بارىسىن ايتايىن. كۇدىكتى گۋرۋريان جايلى مالىمەتتى مۇلدە بەرمەيدى. ادۆوكاتىم ارقىلى دۆدعا ەكى سۇراۋ، پروكۋراتۋراعا 1 سۇراۋ جىبەرگەم" دەدى قىسقاشا ايتقاندا. اعامىزدا كوپتەگەن سۇراقتار بار. ول كەزدە جاپپاروۆ مەرگەنباي دەگەن اعامىز دۆدنى باسقارىپ تۇرعان، زەينەتكە شىعارىپ جىبەردى مە، الدە، سول وقيعا سەپ بولدى ما ول كىسى ورنىنان الىنىپ قالعان. قازىرگى باسشىلىعىمەن مەنىڭ ارالاس-قۇرالاستىعىم جوق. مەرگەنباي اعامەن دە سول كەزدە تانىسقام. قازىرگى باسشىلىقتىڭ سول ۋادەلەردى نەگە ورىندامايتىنىنا مەن جاۋاپ بەرە المايمىن.

فەيسبۋكتە قانشا ادام وتىنسە دە بۇل شارۋاعا كىرىسپەسپىن دەپ ويلايتىنمىن. اكە رەتىندە، جۋرناليست رەتىندە باقىتجان اعامىزدى قاتتى تۇسىنەمىن جانە ءىسىنىڭ العا جىلجىعانىن قالايمىن.

سونىمەن، ايتپاعىم مىناۋ: جاقىن كۇندەرى، قۇداي قىرسىعىنان ساقتاسا راقىمجان مارقۇمنىڭ اكەسىمەن تىكەلەي ەفير بولادى پاراقشامدا. انا اپتادا جاسايمىز دەپ ويلاعان ەدىك. اياق استى سۋ العان ەلدى مەكەندەرگە كەتىپ قالدىم.

باقىتجان اعامىزدىڭ وتىنىشىنەن كەيىن مەن ءنۇردىلدا وراز اعامىزعا حابارلاسىپ، وسى ىستە جەتكىلىكسىز بولىپ تۇرعان اقپاراتتاردى قولىما الۋىما سەپتىگىن تيگىزۋدى سۇرادىم. ول كىسىنىڭ تىكەلەي تاپسىرماسىمەن قاراعاندى جاق ءتىرىلىپ، بىزگە اقپاراتتاردىڭ شەت-جاعاسىن ۇسىندى.

رەسمي ورگان وكىلدەرىنىڭ سوزىنشە باستى كۇدىكتى نارەك گۋرۋريان ەلگە ءالى اكەلىنبەگەن. باسقا ەلدىڭ ازاماتى بولعاندىقتان قاعاز ماسەلەلەرى ۇزاق رەسىمدەلەلى-ءمىس. مارقۇمنىڭ اكەسىنىڭ الاڭداۋىنىڭ ءبىر سەبەبى وسى.

ايسۇلتان جاقىپتىڭ facebook پاراقشاسىنان

Abai.kz

14 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610