2019 جىلدىڭ 1 قاڭتارىنان باستاپ، كوممۋنالدىق قىزمەتتەردى تومەندەتۋ شارالارى تۋرالى ءاربىر تۇتىنۋشىعا كەڭىنەن ءتۇسىندىرۋ جانە اقپاراتتاندىرۋ جۇمىستارى باستالعان بولاتىن. سول ماقساتتا الماتى وبلىسى بويىنشا تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتى - تۇبىرتەكتەردى، تولەم قۇجاتتارىن الۋ جانە باسقا دا قوعامدىق ماڭىزى بار نارىقتاردىڭ سۋبەكتىلەرىمەن تۇتىنۋشىلاردى حاباردار ەتتى، - دەپ حابارلايدى وڭىرلىك كوممۋنيكاتسيالار قىزمەتى.

تومەندەتىلگەن تاريف توڭىرەگىندە كەڭىنەن باياندايتىن بولساق، ولار: cۋمەن جابدىقتاۋ، سۋ تارتۋ، ەلەكتر ەنەرگياسى، جىلۋمەن جانە گازبەن قامتاماسىز ەتۋ سياقتى قىزمەت تۇرلەرىندە وزگەرىس ورىن الدى. ايتالىق، سۋمەن جابدىقتاۋ كىزمەتىنىڭ 2019 جىلدىڭ 1 قاڭتارىنا دەيىنگى سومماسى 67,6 تەڭگە بولسا، 1 قاڭتاردان باستاپ، ول كورسەتكىش 9,3%-عا ازايادى ياعني، 61,37 تەڭگەنى قۇرايتىن بولادى. جىلۋ باعاسى قوسىمشا قۇن سالىعىمەن ەسەپتەگەندە 1 گەكوكالورياسىنا – 2771 تەڭگەدەن 2513 تەڭگەگە ازايىپ وتىر. ىستىق سۋدىڭ 1 تەكشە مەترى 208 تەڭگەدەن – 186 تەڭگە 78 تيىنعا ازايعان. جارىق باعاسى 16 تەڭگە 39 تيىننان 1 تەڭگە 71 تيىنعا تومەندەتىلىپ، 14 تەڭگە 68 تيىن كولەمىندە بەلگىلەندى، - دەيدى ماماندار.

وبلىستىق تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتى باسشىسىنىڭ ورىنباسارى گ. شاراپيەۆا – «كوممۋنالدىق قىزمەتتەرگە تومەندەتىلگەن تاريفتەر تۋرالى اقپارات تابيعي مونوپوليالار سۋبەكتىلەرى مەن قوعامدىق ماڭىزى بار نارىقتاردىڭ رەسمي سايتتارىندا جانە ابونەنتتىك پۋنكتتەرىندە ورنالاستىرىلعان. ودان بولەك، دەپارتامەنت تاراپىنان تالدىقورعان قالاسىنىڭ بىرىڭعاي ەسەپتەۋ ورتالىعىمەن بىرلەسىپ، كوممۋنالدىق قىزمەتتەر تاريفتەرىنىڭ تومەندەۋى تۋرالى ماعلۇماتتاردى ارنايى تۇبىرتەكتەردە، حابارلامالاردا ورنالاستىرۋعا قاتىستى جۇمىستار جۇرگىزىلدى. ەندى، تالدىقورعان قالاسىنىڭ بىرىڭعاي ەسەپتەۋ ورتالىعىنىڭ تۇبىرتەكتەرىندە كوممۋنالدىق قىزمەتتەر جايلى جانە تۇتىنۋشىعا كەرەكتى قوسىمشا اقپاراتتار ورنالاستىرىلاتىن بولادى»، دەپ اتاپ ءوتتى.

ايتا كەتەيىك، ءاربىر تۇتىنۋشى تومەندەتىلگەن تاريفتەر تۋرالى اقپاراتتاردى سالا ماماندارىنان كەز-كەلگەن ۋاقىتتا الا الاتىن بولادى.

Abai.kz