بەيسەنبى, 28 ناۋرىز 2024
3121 4 پىكىر 29 ناۋرىز, 2019 ساعات 10:42

توقاەۆ رەسەي فەدەراتسياسى پرەزيدەنتىنىڭ كومەكشىسىن قابىلدادى

قازاقستان پرەزيدەنتى قاسىم-جومارت توقاەۆ رەسەي فەدەراتسياسى پرەزيدەنتىنىڭ كومەكشىسى اندرەي فۋرسەنكونى قابىلدادى، دەپ حابارلايدى اقوردانىڭ رەسمي سايتى.

مەملەكەت باسشىسى ەكى ەلدىڭ ۇزاق مەرزىمدى ۇلتتىق مۇددەلەرىن قامتاماسىز ەتۋ ىسىندەگى قازاقستان-رەسەي ارىپتەستىگى مەن وداقتاستىعىنىڭ ماڭىزدىلىعىن اتاپ ءوتتى.

– قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ قازاقستان مەن رەسەي اراسىنداعى قارىم-قاتىناستاردىڭ ۇلگى سانالاتىنىن ءاردايىم ايتادى. سوندىقتان، مەملەكەت باسشىسى رەتىندەگى مەنىڭ مىندەتىم – ەكى ەل كوشباسشىلارى نۇرسۇلتان ءابىشۇلى نازارباەۆ پەن ۆلاديمير ۆلاديميروۆيچ پۋتين نەگىزىن قالاعان ەكىجاقتى ىنتىماقتاستىقتى دامىتۋعا قوسىمشا سەرپىن بەرۋ، – دەدى قاسىم-جومارت توقاەۆ.

مەملەكەت باسشىسى رەسەي فەدەراتسياسىنا الداعى رەسمي ساپارى اياسىندا وتەتىن جوعارى دەڭگەيدەگى كەلىسسوزدەر بارىسىندا ءبىلىم بەرۋ، عىلىم، تەحنولوگيالىق جانە مادەني تاجىريبە الماسۋ ماسەلەلەرى تالقىلاناتىنىن ايتتى.

ا.فۋرسەنكو قاسىم-جومارت توقاەۆقا ءوزىنىڭ نۇر-سۇلتان قالاسىنا ساپارىنىڭ قورىتىندىسى جونىندە مالىمەت بەردى.

– ءبىز سىندارلى ءارى كەلەلى كەلىسسوزدەر جۇرگىزدىك، ۇلتتىق بيوتەحنولوگيا ورتالىعىنا، نازارباەۆ ۋنيۆەرسيتەتىنە، پارلامەنت سەناتىنا باردىق. بۇگىندە ەلدەرىمىز اراسىندا عىلىم سالاسىنداعى ىنتىماقتاستىق مەيلىنشە تابىستى جۇزەگە اسىرىلۋدا. بۇل باعىتتا ورتاق باسىمدىقتار مەن دامىتۋعا قاجەتتى الەۋەتىمىز بار، – دەدى رەسەي فەدەراتسياسى پرەزيدەنتىنىڭ كومەكشىسى.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2254
عيبىرات

قايسار رۋحتى عازيز جان

مۇحتار قۇل-مۇحاممەد 3521