سەيسەنبى, 26 قاڭتار 2021
1714 8 پىكىر 29 ناۋرىز, 2019 ساعات 10:37

ۋكراينا: سايلاۋالدى ساۋالناما قورىتىندىسى جاريالاندى

ۋكراينا الەۋمەتتانۋ قىزمەتى 31 ناۋرىزدا وتەتىن سايلاۋ الدىنداعى سوڭعى جۇرگىزگەن ساۋالناما ناتيجەسىن جاريالادى.

ساۋالناما ناتيجەسى بويىنشا، سايلاۋالدى رەيتىنگىنىڭ كوشىن باستاپ تۇرعان شوۋمەن ۆلاديمير زەلەنسكي. 25- 28 پايىز سايلاۋشىلار ونىڭ كانديداتۋراسىن تاڭداعان.

ەكىنشى جانە ءۇشىنشى ورىندا قازىرگى پرەزيدەنت پيوتر پوروشەنكو مەن وپپوزيتسيالىق "باتكيۆششينا" پارتياسىنىڭ ليدەرى يۋليا تيموشەنكو تۇر. رەيتينگ بويىنشا ەكەۋىن قولداۋشىلار سانى 17 پايىز شاماسىندا.

يۋليا تيموشەنكو قاڭتارعا دەيىن جۇرگىزىلگەن ساۋالنامادا ليدەر بولعان. بىراق قازىر زەلەنسكي الدا تۇر.

31 ناۋرىزدا وتەتىن سايلاۋدا كوپ داۋىس جيناعان پرەزيدەنتتىكتەن ۇمىتكەرلەر ەكىنشى كەزەڭگە وتەدى. ال ءبىرىنشى كەزەڭنىڭ وزىندە جەڭىسكە جەتىپ پرەزيدەنت اتانۋ ءۇشىن، سايلاۋشىلاردىڭ 50 پايىز داۋىسىن جيناۋى كەرەك. الەۋمەتتانۋشىلار بۇل مۇمكىن ەمەس دەپ وتىر.

سايلاۋ بيۋللەتەنىندە بارلىعى 39 ۇمىتكەر.

پوروشەنكو ءوزىنىڭ سايلاۋالدى كامپانياسىندا رەسەي اگرەسسياسىنا قاتاڭ جاۋاپ بەرىپ، ەۋرووداق پەن ناتو-عا قوسىلاۋعا ۋادە بەرەدى. تيموشەنكو دا رەسەيگە قارسى قاتاڭ ساياسات ۇستانادى. ول پوروشەنكونىڭ الەۋمەتتىك-ەكونوميكالىق ساياساتىن سىنايدى. زەلەنسكي بولسا جاس سايلاۋشىلارعا سەنىم ارتىپ، ساياساتتى جاڭارتۋ قاجەت دەپ ەسەپتەيدى.

Abai.kz

8 پىكىر