سارسەنبى, 27 قاڭتار 2021
1423 0 پىكىر 28 ناۋرىز, 2019 ساعات 18:02

الماتى اكىمى «بولاشاق» باعدارلاماسى تۇلەكتەرى قازاق تىلىنە دۋبلياجداعان «دامبو» ءفيلمىنىڭ كورسەتىلىمىندە بولدى

الماتى اكىمى باۋىرجان بايبەك نۇر-سۇلتان قالاسىنا جۇمىس ساپارى كەزىندە «بولاشاق» باعدارلاماسى تۇلەكتەرى اعىلشىن تىلىنەن قازاق تىلىنە تىكەلەي دۋبلياجداعان 28-ءشى ءفيلمىنىڭ پرەمەرا الدىنداعى كورسەتىلىمىندە بولدى.

باۋىرجان بايبەك ءوزىنىڭ سوزىندە بارلىق بولاشاقشىلار اتىنان ەلباسىعا ۇزدىك كوركەم جانە اننيماتسيالىق فيلمدەردى قازاق تىلىنە دۋبلياجداۋ جونىندەگى الەۋمەتتىك باعدارلاماعا قولداۋ كورسەتكەنى ءۇشىن العىس ايتتى، سونىمەن قاتار تۇڭعىش پرەزيدەنتتىڭ مەملەكەتتىك ساياساتىنىڭ ومىرشەڭدىگى مەن ۇندەستىگىن اتاپ ءوتتى.

«90-شى جىلداردىڭ اسا كۇردەلى كەزەڭىندە قازاقستاننىڭ تۇڭعىش پرەزيدەنتى نۇرسۇلتان ءابىشۇلى نازارباەۆتىڭ باستاماسى بويىنشا ەرەكشە تۇرعىداعى «بولاشاق» ءبىلىم باعدارلاماسىنىڭ دايىندىعى باستالىپ، جاس قازاقستاندىقتارعا لايىقتى ءبىلىم بەرۋگە، ەلىمىزدىڭ پايداسى ءۇشىن ۇزدىك الەمدىك پراكتيكانى يگەرۋ مۇمكىندىگىنە قولجەتتى. قازىرگى كەزدە 12 مىڭنان استام بولاشاقشىلار وتانىمىزعا ورالىپ، ەكونوميكانىڭ ءار سالاسىندا ەلىمىزدىڭ كەلەشەگى جولىندا ەرەن ەڭبەك ەتۋدە. ءبىز قاشاندا ەلىمىزگە، حالقىمىزعا، تۇڭعىش پرەزيدەنتىمىزگە العىس بىلدىرەمىز. مىنە، سوندىقتان 2001 جىلى العاشقى تۇلەكتەر العان بىلىمدەرىن، كۇش-جىگەرلەرىن، تاجىربەلەرىن بىرىكتىرىپ، ەلىمىزدىڭ دامۋى جولىندا ءارى ەلباسىنىڭ ومىرشەڭ باعىتىن ودان ءارى جالعاستىرۋ ءۇشىن «بولاشاق» اسسوتسياتسياسىن قۇردى»، - دەپ اتاپ ءوتتى باۋىرجان بايبەك.

ول ءوزىنىڭ سوزىندە 2011 جىلى پرەزيدەنتتىك «بولاشاق» باعدارلاماسىنىڭ تۇلەكتەرى بالالار مەن جاستار اراسىندا مەملەكەتتىك ءتىلدىڭ كەڭ قۇلاش جايۋىنا، قازاق تىلىندە ساپالى ءارى باسەكەگە قابىلەتتى كونتەنتتىڭ قالىپتاسۋىنا ىقپال ەتكەندەرىن ايتتى.

«ءبىز الدىمىزعا ءوزىنىڭ مەملەكەتتىك ءتىلىن بىلەتىن، جاقسى كورەتىن جانە قۇرمەتتەيتىن ۇرپاق تاربەلەۋگە كومەكتەسۋدى ماقسات ەتىپ قويدىق. جۇمىسىمىزدى العاش باستاعان كەزدە نۇرسۇلتان ءابىشۇلى نازارباەۆ باتاسىن بەردى. ءدال وسى ساحنادا بۇدان سەگىز جىل بۇرىن مەملەكەت باسشىسىنىڭ قۇتتىقتاۋ ءسوزى وقىلدى. قازىرگى كەزدە «وزىڭنەن باستا» الەۋمەتتىك جوباسى قازاق كورەرمەندەرى، ءىرى قازاقستاندىق بيزنەس وكىلدەرى اراسىندا كەڭ قولداۋ تاۋىپ، مەملەكەتتىك ءتىلدىڭ ودان ءارى دامۋىنا وتباسىلىق جانە بالالار كونتەنتى ارقىلى وڭ اسەر ەتۋدە»، - دەدى ول.

ايتا كەتەرلىگى، جالپى قۇنى 5,8 ملرد. اقش دوللارى بولاتىن Disney, Sony Pictures, Marvel, Lucasfilms, BAZELEVS جانە EuropaCorp ستۋديالارىنىڭ 28 الەمدىك فيلمدەرى جوعارى تەحنولوگيانىڭ ارقاسىندا دۋبلياجدانىپ، شىنايى ۇلتتىق ونىمگە اينالدى. قازاق ءتىلى 2 تۇرىك تىلىنە، Sony Pictures 7 تىلىنە، WaltDisney 39 تىلىنە اينالدى، الەمدە DVD, Blu-Ray بويىنشا ەستۋگە بولاتىن 7-ءشى نەگىزگى تىلدەردىڭ قاتارىنا قوسىلدى.

ءوز كەزەگىندە، بيىلعى جىلى قازاقستاننىڭ جاس كورەرمەندەرى قازاق تىلىنە دۋبلياجدالعان تاعى 5 ءفيلمنىڭ پرەمەراسىن كورەدى. ولاردىڭ اراسىندا «الاددين»، «ويىنشىقتار تاريحى 4»، «كورول ارىستان» جانە «مۇز جۇرەك 2» فيلمدەرى بار، ال 28 ناۋرىزدان باستاپ كينوتەاترلار ەكراندارىنان فەنتەزي ستيلىندە رەجيسسەر تيم بەرتون تۇسىرگەن وتباسىلىق «دامبو» كينوسى كورسەتىلەدى.

1941 جىلعى تانىمال ءمۋلتفيلمنىڭ فيلم-رەمەيگىنەن قالقان قۇلاقتى كىشكەنتاي ءپىلدىڭ قىزىق وقيعالارعا تولى ءومىرىن، ءتۇرلى ءاجۋادان مەزى بولعان سوڭ ۇشۋدى ۇيرەنگەنىن تاماشالاۋعا بولادى. «دامبو» ءفيلمىن دۋبلياجداعان رەجيسسەر نازەركە لەسبەككىزى جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەگى. ودان وزگە دۋبلياجداۋ بارىسىنداعى جۇمىسقا 30-دان استام قازاقستاندىق كاسىبي ارتيستەر قاتىستى.

Abai.kz

0 پىكىر