بەيسەنبى, 21 قاڭتار 2021
1686 0 پىكىر 28 ناۋرىز, 2019 ساعات 16:43

الماتىدا «امانات» كونتسەرت-سپەكتاكلىنىڭ پرەمەراسى وتەدى

ەلباسى نۇرسۇلتان ءابىشۇلى نازارباەۆتىڭ «ۇلى دالانىڭ جەتى قىرى» ماقالاسى اياسىندا جانە قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترىنىڭ 85 جىلدىعىنا وراي، اعىمداعى جىلدىڭ 29 ناۋرىز كۇنى قۇرمانعازى وركەسترى جانە عابيت مۇسىرەپوۆ اتىنداعى بالالار جانە جاسوسپىرىمدەر تەاترىنىڭ بىرلەسكەن جوباسى «امانات» كونتسەرت-سپەكتاكلىنىڭ پرەمەراسى وتەدى.

بۇرىن - سوڭدى بولماعان بۇل شارا - قۇرمانعازى وركەسترىنىڭ باسقا كونتسەرتتەرىنەن ەرەكشە، سەبەبى اتاۋلى جوباعا تەاتر اكتەرلەرى دە ءوز ۇلەستەرىن قوسپاقشى. تۇڭعىش رەت ۇيىمداستىرىلىپ وتىرعان تىڭ جوبا كورەرمەندەرگە تەك عانا وركەستردىڭ ورىنداۋىنداعى تانىمال شىعارمالاردى تىڭداتىپ عانا قويماي، مۋزىكا ارقىلى قازاق حالقىنىڭ تاعدىرىنا ۇڭىلۋگە مۇمكىندىك بەرەدى.

ەرەكشە باعدارلامالى كونتسەرت-سپەكتاكلدىڭ ديريجەرى – «دارىن» مەملەكەتتىك جاستار سىيلىعىنىڭ لاۋرەاتى، قۇرمانعازى وركەسترىنىڭ باس ديريجەرى - ابىلاي تلەپبەرگەن. ستسەناري اۆتورى – قر مادەنيەت قايراتكەرى، قر جاستار سىيلىعىنىڭ لاۋرەاتى، اقىن، جازۋشى - اقزيا كولباەۆا. قويۋشى رەجيسسەر – اكتەر دانيار بازارقۇلوۆ.

وتەتىن ۋاقىتى: 2019 جىلعى 29 ناۋرىز، ساعات 18.30
وتەتىن ورنى: عابيت مۇسىرەپوۆ اتىنداعى بالالار جانە جاسوسپىرىمدەر
تەاترى، الماتى قالاسى، ابىلاي حان داڭعىلى، 38
ءباسپاسوز كونفەرەنتسياسىنىڭ باستالۋى: ساعات 17.30

Abai.kz

0 پىكىر