جۇما, 29 ناۋرىز 2024
3722 1 پىكىر 27 ناۋرىز, 2019 ساعات 11:14

بيىل 1 ماۋسىمنان باستاپ ءبىر جارىم ميلليون ءتۇرلى كاسىپ يەلەرىنىڭ جالاقىسى كوتەرىلەدى

قر ۇكىمەتىنىڭ ءباسپاسوز ورتالىعىندا وتكەن ءباسپاسوز كونفەرەنتسياسىندا پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ پرەزيدەنتتىڭ بيۋدجەت سالاسىنىڭ تومەن جالاقى الاتىن جۇمىسكەرلەرىنىڭ ەڭبەكاقىسىن كوتەرۋدى ا. ج. 1 شىلدەسىنەن 1 ماۋسىمىنا شەگەرۋ بويىنشا تاپسىرماسىنىڭ ورىندالۋ بارىسى تۋرالى ايتىپ بەردى.

پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ بيۋدجەت سالاسىنىڭ تومەن جالاقى الاتىن جۇمىسكەرلەرىنىڭ ەڭبەكاقىسىن كوتەرۋ مەرزىمىن اۋىستىرۋ قوسىمشا 37,8 ملرد تەڭگەنى قاجەت ەتەتىنىن جەتكىزدى.

«“نۇر وتان” پارتياسىنىڭ كەزەكتى سەزىندە اعىمداعى جىلدىڭ 1 شىلدەسىنەن باستاپ بيۋدجەت سالاسىنىڭ تومەن جالاقى الاتىن جۇمىسكەرلەرىنىڭ جالاقىسىن جالپى 30%-عا دەيىن جانە اۋداندىق، وبلىستىق دەڭگەيدەگى مەملەكەتتىك ورگانداردىڭ تومەنگى جۇمىسكەرلەرىنىڭ جالاقىسىن ورتا ەسەپپەن 25%-عا كوتەرۋ تۋرالى تاپسىرما بەرىلدى، سول كەزدە ءبىز 169,7 ملرد تەڭگە شاماسىنداعى قارجىلاندىرۋ كولەمىن 2019 جىلعا ارنالعان رەسپۋبليكالىق بيۋدجەت جوباسىنا سالدىق. بۇل قاراجاتپەن ءبىر جارىم ميلليون ادام قامتىلادى. جۋىردا قر پرەزيدەنتى ق. توقاەۆتىڭ جالاقىنى كوتەرۋ مەرزىمىن 1 شىلدەدەن 1 ماۋسىمعا شەگەرۋ قاجەتتىگى تۋرالى تاپسىرماسى بەرىلدى، ياعني، ءبىر اي بۇرىن ىسكە اسىرىلاتىن بولادى، وسىعان بايلانىستى  بۇل ماقساتتارعا قوسىمشا 37,8 ملرد تەڭگە باعىتتاۋ كوزدەلىپ وتىر»، — دەپ ءتۇسىندىردى ا. سمايىلوۆ.

ونىڭ ايتۋىنشا، الۋشىلار سول قالپىندا قالادى: ولار ءتۇرلى كاسىپ يەسى بولىپ تابىلاتىن تابىسى تومەن ءبىر جارىم ميلليون ادام.

«شىعىندار كولەمىنىڭ وزگەرۋى بويىنشا ءتيىستى ۇسىنىستار قازىر مەملەكەت باسشىسىنا كەلىسۋگە جىبەرىلدى، ودان كەيىن جاقىندا ولار پارلامەنتكە جولداناتىن بولادى»، — دەپ ناقتىلادى قارجى ءمينيسترى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606