پارلامەنت سەناتىنىڭ رەسمي سايتىندا نازارباەۆا 4 ساۋىردە قارالاتىن رەسپۋبليكالىق بيۋدجەتكە وزگەرىستەر ەنگىزۋ جونىندەگى زاڭ جوباسىنا اسا ءمان بەردى دەپ اتاپ وتىلگەن.
داريعا نازارباەۆا - 19 ناۋرىزدا مەرزىمىنەن بۇرىن وتستاۆكاعا كەتكەن قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ قىزى. ول 20 ناۋرىزدا قازاقستان پارلامەنتى سەناتىنىڭ توراعاسى بولىپ سايلاندى. ونىڭ كانديداتۋراسىن ۋاقىتشا پرەزيدەنت قاسىم-جومارت توقاەۆ ۇسىندى.
سەنات دەپۋتاتتارى نازارباەۆانىڭ كانديداتۋراسىن ءبىر اۋىزدان قولدادى. دەپۋتاتتار سونىمەن بىرگە توقاەۆ ۇسىنعان استانانىڭ اتاۋىن ەكس-پرەزيدەنتتىڭ قۇرمەتىنە نۇر-سۇلتان دەپ وزگەرتۋ جونىندەگى ۇسىنىسىن دا تولىقتاي قولدادى.
Abai.kz
