جۇما, 29 ناۋرىز 2024
46 - ءسوز 4071 1 پىكىر 26 ناۋرىز, 2019 ساعات 16:00

قر ىشكى ىستەر ءمينيسترى ەرلان تۇرعىمباەۆتىڭ نازارىنا!

قر ىشكى ىستەر ءمينيسترى ەرلان تۇرعىمباەۆتىڭ،
الماتى وبلىسى اكىمى اماندىق باتالوۆتىڭ،
الماتى وبلىسى ىشكى ىستەر دەپارتامەنتىنىڭ باسشىسى مۇرات جالەلۇلىنىڭ نازارىنا!

وتكەندە الماتى وبلىسى، اقسۋ اۋدانى، التىن ارىق (قاراكەمەر) اۋىلىندا تۇراتىن ءىنىمنىڭ التى سيىرى (ەكەۋىن سويىپ اكەتكەن، تورتەۋى جوق) جوعالعانى تۋرالى جازىپ ەدىم. اۋداننىڭ پوليتسيالارى (جيىرماداي) جابىلىپ ىزدەسە دە، ءالى دەرەك جوق. نەگە دەرەك تابىلمايدى؟ نەگە ۇرى ۇستالمايدى؟ بىلتىر تاعى ءتورت سيىرىن ۇرلاپ كەتكەن، مىنە التاۋ. بىر جىلدا ون سيىر جوعالتۋ دەگەن اۋىلدىڭ قاراپايىم تۇرعىنى ءۇشىن، ارينە وڭاي دۇنيە ەمەس.

ءىنىم كوپ بالالى وتباسى. بالا-شاعاسىنىڭ اۋزى اققا ءتيىپ، ايران-سۇتكە ەندى جارىعاندا ۇرىلاردىڭ تاپا-تال تۇستە بارىمتاسى مىناۋ. بارىمتانىڭ زامانى قايتىپ كەلدى مە، نە بولدى ءوزى؟ بۇلار بۇرىنعى بارىمتاشىلاردان دا جاۋىز، قاسكوي. تۋعالى تۇرعان سيىردى قان جولدىڭ بويىندا ءىشىن جارىپ، اكەتە بەرەدى.

شاپ-شاعىن التىن ارىق اۋىلىندا ءبىر جىلدىڭ وزىندە بالەنباي باس مال جوعالعان. سونىڭ بىرەۋى تابىلىپ، ءبىر ۇرى ۇستالماعان. ماسقارا ەمەس پە؟! قازىرشە العان دەرەگىم بويىنشا ءبىر جىلدىڭ ىشىندە ۇرىلاردان زيان شەككەندەردىڭ (بۇدان دا كوپ بولۋى مۇمكىن) ءتىزىمى:
زيات شىعىسبەك ء(بىر سيىر)
قازىلحان جەڭىس ء(بىر سيىر)
قۋانعان بازار ء(بىر سيىر)
شاكەن ۇرىستەم ء(ۇش قوي)
سىدىقوۆا نازگۇل ء(بىر سيىر)
شايمۇقاممەد ەستەمەس ء(بىر جىلقى)
پازىلجان پارقات (ەكى جىلقى)
وماروۆ ەسەنعالي ء(بىر جىلقى)
دابەي كۇرەسبەك (ون سيىر)

بۇل – كىپ-كىشكەنتاي ءبىر اۋىلدا (التىن ارىقتا) ءبىر جىلدا بولعان ۇرلىق. اقسۋ اۋدانىنا قارايتىن وزگە اۋىل تۇرعىندارىنىڭ ۇرىلاردان زارداپ شەككەندەرىنىڭ ءتىزىمىن جاسايتىن بولساق، وتە كوپ. مىسالى، اۋداننىڭ وزىندە تۇراتىن اسەتبەك مۋسابايدىڭ ءبىر تۇندە 26 باس سيىرىن ايداپ كەتكەن. وزگە وبلىس، ايماق، اۋدانداردا دا جاعداي بەلگىلى.

قازاق «مال اشۋى – جان اشۋى» دەمەي مە؟ وسى ۇرىلاردان زارداپ شەككەن حالىق ەرتەڭ كوپ بالالى انالار قۇساپ شۇبىرىپ كوشەگە شىعىپ كەتسە، كىم جاۋاپ بەرەدى؟ بۇل ۇرىلارعا ءبىر تيىم بولا ما؟ تەكتەۋ بولا ما؟

ىرىسبەك دابەيدىڭ facebook پاراقشاسىنان

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3585