جۇما, 29 ناۋرىز 2024
انىق 5208 3 پىكىر 21 ناۋرىز, 2019 ساعات 16:21

ابىلقايىر حان، تولە بي، اباي اتاۋلارى وزگەرتىلمەيتىن بولدى

20 ناۋرىزدا قر پارلامەنتى پالاتالارىنىڭ بىرلەسكەن وتىرىسىندا رەسپۋبليكا پرەزيدەنتى قاسىم-جومارت توقاەۆ ەلوردانىڭ اتاۋىن نۇرسۇلتان قالاسى دەپ وزگەرەتۋدى جانە وبلىستىق قالالاردىڭ باستى كوشەلەرىن - نۇرسۇلتان نازارباەۆ دەپ اتاۋدى ۇسىنعان بولاتىن.

وسى ۇسىنىسقا ءۇن قوسقان بىرقاتار وبلىس، قالا ەلباسىنىڭ ەسىمى بەرىلەتىن ورتالىق كوشەلەردىڭ ءتىزىمىن ۇسىندى. وكىنىشتىسى، اتالعان تىزىمدە ۇلى اباي اتىنداعى، تولە بي، ابىلقايىر حان اتىنداعى كوشەلەر دە بار ەكەن.

كەشەدەن بەرى ۇلى تۇلعالاردىڭ ەسىمىن وزگەرتۋگە نارازىلىق بىلدىرگەندەر از بولعان جوق. ەل حالقى ۇلتىمىزدىڭ ۇلىلارى اتىنداعى كوشەلەردىڭ اتاۋىن وزگەرتپەۋدى سۇرادى. قوعامدا قىزۋ تالقىلانعان وسى وقيعاعا بايلانىستى بۇگىن رەسمي اقپارات جاريالاندى. وندا ابىلقايىر حان، تولە بي، اباي اتاۋلارى وزگەرتىلمەيتىنى ايتىلعان.

2019 جىلعى 20 ناۋرىزدا قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق ونوماستيكالىق كوميسسيانىڭ وتىرىسى بولىپ ءوتتى، وندا بىرقاتار جەرگىلىكتى ءماسليحاتتاردىڭ وبلىستىق قالالاردىڭ ورتالىق كوشەلەءرىن قايتا اتاۋ تۋرالى شەشىمدەرى قارالدى.

اتاپ ايتقاندا، كوميسسيا بىرقاتار وبلىس ورتالىقتارىنىڭ كوشەلەرىن قر تۇڭعىش پرەزيدەنتى – ەلباسى ن.نازارباەۆتىڭ قۇرمەتىنە قايتا اتاۋ تۋرالى شەشىمدەرى قولداۋ تاپتى.

سونىمەن بىرگە، رەسپۋبليكالىق ونوماستيكالىق كوميسسيا اتىراۋ، اقتوبە، قوستاناي، جامبىلوبلىستارىنىڭ اكىمشىلىك ورتالىقتارىنداعى قايتا اتاۋ ءۇشىن ۇسىنىلعان كوشەلەردى وزگە وبەكتىلەر مەن كوشەلەردى انىقتاي وتىرىپ، قايتا قاراۋدى ۇسىندى.

ەستەرىڭىزگە سالا كەتەيىك، 20 ناۋرىز كۇنى قر پرەزيدەنتى ق.ك.توقاەۆ زامانىمىزدىڭ ۇلى تۇلعاسى جانە تاۋەلسىز قازاقستاننىڭ نەگىزىن قالاۋشى رەتىندە نۇرسۇلتان نازارباەۆتىڭ ەسىمىن قازاقستاننىڭ ءىرى قالالارىنىڭ ورتالىق كوشەلەرىن قايتا اتاۋ جولىمەن ءماڭگىلىك ەستە قالدىرۋدى ۇسىنعان بولاتىن.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3551