جۇما, 29 ناۋرىز 2024
«سوقىر» فەميدا 6509 14 پىكىر 15 ناۋرىز, 2019 ساعات 09:16

جاستار مەشىتكە يمان ءۇشىن ەمەس، ينستاگرام ءۇشىن بارىپ ءجۇر

قاسيەتتى جۇما كۇنى جاستار مەشىتكە قاراي اعىلادى. نەگە دەيسىز بە؟ بۇل سۇراققا ناقتى جاۋاپ جوق. ويتكەنى اركىمنىڭ جاۋابى ءارتۇرلى. ءبىرى شىنىمەن دە ۋاعىز تىڭداپ، ناماز وقۋعا بارسا، ءبىرى كەرىسىنشە. “كەرىسىنشە” دەگەن قالاي؟ قازىرگى ۋاقىتتا “حايپ” دەگەن بالە بولدى ەمەس پە؟ الەۋمەتتىك جەلىدە اتاعىن شىعارعىسى كەلەتىن جاستاردىڭ سانى جەتكىلىكتى. سول ءبىر جالعان الەمنىڭ ىشىندە ءوزىن “يناباتتى، يماندى” ەتىپ كورسەتۋ ءۇشىن نەگە بارمايدى دەسەڭشى؟!

ەكى 16-17 جاسار قىزداردىڭ اڭگىمەسىنە قۇلاعىم شالىنىپ قالدى. ءبىرىنشىسى: “وسى جۇما مەشىتكە بارىپ اتاما قۇران باعىشتاپ قايتايىقشى بىرگە” - دەپ، ۇسىنىس جاسادى. ال، ەكىنشىسى: “ەگەر ماعان مەشىتتىڭ ىشىندە “ينستاگرامعا” سالارلىق، لايىقتى فوتوسۋرەت جاساپ بەرەمىن دەسەڭ، بارۋعا بولادى، نەگە بارماسقا؟”- دەپ، ءوزىنىڭ كىشىگىرىم تالابىن قويدى. قۇربىسى بىردەن كەلىسە كەتتى. اڭگىمەلەرى بىردەن “ۇستىمىزگە نە كيەمىز، قانداي ورامالدىڭ ءتۇسى فوتوسۋرەتتە ادەمى بولىپ كورىنەدى…” - دەگەن ويعا سىيىمسىز اقىلداسۋلارىمەن جالعاستى

سوندا يماننىڭ ورنىن ينستاگرامنىڭ باسقانى ما ؟ شىنىمەن، مەشىتكە كىرسەڭ بولدى قولدارىنان تۇسپەيتىن تەلەفوندارىمەن  جان-جاقتى سۋرەتكە ءتۇسىرىپ، وزدەرى دە “سەلفيلەتىپ” جاتادى. وسىنداي جايىتتەردى كورگەندە قالاي ءىشىڭ كۇيمەيدى؟!  سول سۋرتتەرىن ۇيالماي جەلىگە سالىپ “جۇما مۇباراك بولسىن. ءار مۇسىلمان جۇما سايىن مەشىتكە بارۋى ءتيىس” - دەپ جازىپ قوياتىندارى دا كەزدەسەدى. ءتىپتى ءبىر ءار جۇما قالماي جۇرگەندەي.

ارينە كۇشتەپ يمانعا شاقىرۋ دۇرىس ەمەس، بىراق “تاربيە - تال بەسىكتەن” دەمەكشى، اتا-انا بالاسىنىڭ جاستايىنان يماندى بولىپ ءوسۋى ءۇشىن تەر توگۋى كەرەك ەمەس پە؟ مۇمكىن كەيبىرىنىڭ اتا-اناسى جۇمىستان قولدارى بوساي الماي، تاربيەنى بالانىڭ ونەگەسىنە دۇرىس سىڭدىرە الماي جۇرگەن بولار؟ بۇل جەردە دە ءبارىن بىردەي كىنالاي المايسىڭ. بەس ساۋساق بىردەي ەمەس قوي. نە بولسا دا از عانا ۋاقىتتى ءبولىپ بالاعا مەشىتتىڭ قانداي جەر ەكەنىن، ول جەرگە نەگە باراتىنىن، ول كىمنىڭ ءۇيى ەكەنىن ايتىپ ءتۇسىندىرۋ ارتىق بولمايدى.

مەشىتتىڭ ىشىندە سۋرەتكە ءتۇسۋدى قويىپ، ۇرلىقتىڭ دا كوبەيىپ جاتقانىن بايقاپ ءجۇرمىز. اللانىڭ ۇيىندە ۇرلىق جاساۋ دەگەن نە سۇمدىق؟ جاستاردىڭ قۇدايدىڭ قۇدىرەتىنەن قورىقپاعانى ما ؟! بۇل ءىس-ارەكەتتىڭ سوڭى نەمەن اياقتالاتىنىن بىلمەي، اڭعالدىققا سالىناتىنى تاعى دا – جاستار. سوندا جاس قىزدار مەن جىگىتتەردىڭ ويىن وزگەرتۋ ءۇشىن نە ىستەۋمىز كەرەك؟ ولاردىڭ تاڭداۋلارى وزگە ەمەس يمان بولسا ەكەن دەپ تىلەيمىن. ال ءسىز اتا-انا رەتىندە بالاڭىزدىڭ وسىنداي ءىس-ارەكەتكە بارعانىن قالار ما ەدىڭىز ؟

جاۋابىڭىز “جوق” بولسا، تاربيەگە قازىردەن نازار اۋدارعانىڭىز ءجون بولار.

ديارا تولەبەكقىزى

Abai.kz

14 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3594