كەزدەسۋ بارىسىندا مەملەكەت باسشىسىنا 2018 جىلدىڭ قورىتىندىسى بويىنشا وبلىستىڭ نەگىزگى الەۋمەتتىك-ەكونوميكالىق كورسەتكىشتەرى مەن ايماق دامۋىنىڭ الداعى پەرسپەكتيۆالارى جونىندە باياندالدى.

نۇرسۇلتان نازارباەۆ وسى ءوڭىردىڭ ماڭىزى زور ەكەنىن اتاپ ءوتىپ، گازبەن قامتۋ ماسەلەسىنە، سونداي-اق تەمىرتاۋ قالاسىنىڭ ەكولوگيالىق جاعدايىنا ايرىقشا توقتالدى.

وبلىس اكىمى ەلباسىعا جولداۋدا ايتىلعان تاپسىرمالاردى ىسكە اسىرۋ ءۇشىن قابىلدانىپ جاتقان شارالار تۋرالى مالىمدەدى.

– ءسىزدىڭ ەڭبەكاقى مولشەرىن ارتتىرۋ جونىندەگى باستاماڭىزدى وبلىستاعى بارلىق مەكەمەلەر قولدادى. بۇل بيىلعى 1 قاڭتاردان باستاپ 220 مىڭنان استام جۇمىسشىنىڭ جالاقىسىن 14 پايىزعا دەيىن وسىرۋگە مۇمكىندىك بەردى. سونىمەن قاتار، نەگىزگى كوممۋنالدىق قىزمەتتەرگە قاتىستى تاريفتەر 5-11 پايىزعا تومەندەيتىن بولادى، – دەدى ە.قوشانوۆ.

سوڭىندا ەلباسى ءوڭىردى ودان ءارى وركەندەتۋ، سونىڭ ىشىندە قاراعاندى قالاسىنىڭ قۇرىلىسىنا قاتىستى ماسەلەلەر جونىندە بىرقاتار تاپسىرما بەردى.

Abai.kz