دۇيسەنبى, 26 قازان 2020
COVID-19 قازاقستاندا. جۇقتىرعاندار — 110402. جازىلعاندار — 105618. قايتىس بولعاندار — 1796
1447 0 پىكىر 28 قاڭتار, 2019 ساعات 16:13

كامەلەتكە تولماعاندار ماسەلەسىن ارنايى تالقىلاۋدى ۇسىندى

قازاقستان ىشكى ىستەر مينيسترلىگى ء(ىىم) كامەلەت جاسىنا تولماعاندار ءىسى بويىنشا ۆەدومستۆوارالىق كوميسسيانىڭ شۇعىل جيىنىن وتكىزۋگە شاقىردى. بۇل تۋرالى ءىىم ءباسپاسوز حاتشىسى الماس سادۋباەۆقا سىلتەمە جاساعان جەرگىلىكتى اگەنتتىكتەر حابارلادى.

سادۋباەۆتىڭ ايتۋىنشا، مينيسترلىك تۇركىستان، قىزىلوردا، قاراعاندى جانە اقتوبە وبلىستارىنداعى جاسوسپىرىمدەرگە قاتىستى وقيعالاردى تالقىلاۋ ءۇشىن ۇكىمەت جانىنداعى كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى ۆەدومستۆوارالىق كوميسسيانىڭ شۇعىل وتىرىسىن وتكىزۋدى ۇسىندى.

سادۋباەۆ بۇعان قوسا وقۋشىلار مەن اتا-انالاردى كامەلەتكە تولماعاندار اراسىنداعى قىلمىستىڭ الدىن الۋ ءۇشىن وقۋشىلارعا قىلمىستىق جاۋاپكەرشىلىك ارقالايتىن جاسقا جەتكەنىن ەسكەرتىپ، ابەس قىلىقتان ساقتاندىرۋعا شاقىردى.

بۇعان دەيىن ينتەرنەتتە تۇركىستان، قىزىلوردا قالالارى مەن قاراعاندىدا جاسوسپىرىمدەر اراسىنداعى الىمجەتتىك تۋرالى بىرنەشە ۆيدەو تارالعان. ءىىم تۇركىستان قالاسىنداعى جاسوسپىرىمدەر اراسىنداعى ەكى وقيعا مەن قىزىلوردا قالاسىنداعى دارەتحانادا بولعان الىمجەتتىك ۆيدەوسىن تەكسەرىپ جاتقانىن حابارلاعان. قاراعاندىدا 26 قاڭتار كۇنى كوشەدە "توپ بالانىڭ ءبىر بالانى سوققىعا جىققانى" تۋرالى ۆيدەو جاريالانعان.

Abai.kz

0 پىكىر