جۇما, 29 ناۋرىز 2024
الاڭ 5109 11 پىكىر 28 قاڭتار, 2019 ساعات 12:41

"كاسپي بانكتىڭ" مەملەكەتتىك تىلدە قىزمەت كورسەتۋىن تالاپ ەتەمىز...

ايلىعى شايلىعىنا جەتپەيتىن كوپ قازاقتىڭ كۇنكورىس كوزى كرەديت بولعالى قاشان. بالا-شاعانىڭ قامى دەپ امالسىز بانك جاعالاپ جۇرگەن اعايىن قارىزدىڭ كۇلىپ كىرىپ، جىلاپ شىعاتىنىن بىلمەيدى ەمەس. الايدا، قىسقا ءجىپ كۇرمەۋگە كەلمەگەن سوڭ امالسىز بانككە بورىشكەر بولىپ شىعا كەلەدى. ءسويتىپ، بەرەرىندە تۋىسىنداي تورىنە شىعارعان قارىز يەلەرى از ۋاقىتتىڭ ىشىندە قاراپايىم حالىقتىڭ مويىنىنا ءمىنىپ الادى.

قارىز ارقالاعان قازاق جايلى بۇعان دەيىن دە كوپ جازىلدى. ءالى دە ايتىلار. بۇگىنگى ءبىزدىڭ اڭگىمە بۇل ەمەس. ءبىز بانكتەردى تەك قارىز تارقاتاتىن ورىن دەۋدەن اۋلاقپىز. بانكتىڭ حالىق ومىرىندەگى ماڭىزىن جوققا شىعارۋعا ەشكىمنىڭ قاقىسى جوق. اسىرەسە تسيفرلى تەحنولوگيا كۇش العان بۇگىنگى تاڭدا ەلەكتروندىق بانكتىك قىزمەت كورسەتۋ جۇيەسىنىڭ جاقسارۋى حالىق تۇرمىسىنا كوپ جەڭىلدىك تۋدىرىپ وتىر. ءادىلىن ايتقاندا بۇل باعىتتا ەلىمىزدە ەڭ ءونىمدى جۇمىس ىستەپ تۇرعان ەكىنشى دارەجەلى بانك — Kaspi bank ەكەنى ءسوزسىز.

«Kaspi Bank» 1991 جىلدان بەرى جۇمىس ىستەپ كەلەدى. تاۋەلسىزدىكپەن بىرگە ءوسىپ كەلە جاتقان بانك 2018 جىلدىڭ قازان ايىنداعى ەسەپ بويىنشا اكتيۆتەرىنىڭ مولشەرى 1471,2 ملرد تەڭگەگە جەتىپ، ەلىمىزدەگى 28 كوممەرتسيالىق بانكتىڭ ىشىندە ءتورتىنشى ورىن العان. كوپشىلىك اتالعان بانكتىڭ قىزمەت كورسەتۋى قولايلى ءارى ساپالى ەكەنىن ايتادى. يننوۆاتسيالىق تەحنولوگيالاردىڭ ادام ءومىرىن اناعۇرلىم جەڭىلدەتكەنى انىق. سوندىقتان كىم بولسا دا ءومىر سالتىنىڭ بارىنشا وڭايلاسقانىن قالايدى. ەلەكتروندى جۇيەدە كەرەك-جاراقتى ساتىپ الىپ، كوممۋنالدىق تولەم جاساۋدى ءموبيلدى قوسىمشا ارقىلى جۇزەگە اسىرۋ قىزمەتى كاسپي بانكتىڭ اسىعىن الشى ءتۇسىردى. وسى جۇيە ارقىلى بانك حالىققا قولايلىلىق جاراتا وتىرىپ، ءوز ەسەپتەرىن تۇگەندەپ الدى.

ەلەكتروندى اقشانىڭ ەلىمىزدە قارقىندى دامىپ كەلە جاتقانىنا مىسال رەتىندە ايتايىق، تولەم كارتاسىن پايدالانا وتىرىپ ينتەرنەت جانە ءموبيلدى بانكينگ ارقىلى جۇرگىزىلگەن تولەم كولەمدەرى 2016 جىلمەن سالىستىرعاندا 2017 جىلى 78,9%-عا وسكەن. تاعى ءبىر مىسال 2015 جىلى ەلەكتروندى قاپشىقتى قولدانۋشىلاردىڭ سانى 1 ميلليون كولەمىندە بولسا، 2017 جىلى 1 قازانداعى ەسەپ بويىنشا ەلەكتروندى اقشا جۇيەسىندە تىركەلگەن «ەلەكتروندى ءاميان» سانى 7,2 ملن بىرلىكتى قۇراعان. بۇل مالىمەتتەردى باس بانكتىڭ ارحيۆىنەن العانىمىزدى ايتا كەتەيىك.

قازاقستان اۋماعىندا ەلەكتروندى اقشانى پايدالانۋ تۋرالى 2011 جىلى مەملەكەت باسشىسى نۇرسۇلتان نازارباەۆ «قر ەلەكتروندى اقشا ماسەلەلەرى بويىنشا وزگەرتۋلەر مەن تولىقتىرۋلار ەنگىزۋ تۋرالى» زاڭناماعا قول قويعان. قابىلدانعان زاڭ بويىنشا ەلەكتروندى اقشا ۇعىمى ەنگىزىلىپ، قۇقىقتىق مارتەبەسى دە ايقىندالدى. زاڭ بويىنشا ەلەكتروندى قارجى جىبەرۋ باسقا دا تولەم قۇرالدارى، ياعني تولەم كارتاسى، ۆەكسەل، تولەم سەنىمحاتتارى سياقتى بانك وپەراتسيالارى ارقىلى جۇزەگە اسىرىلاتىن بولدى.

وسى باعىتتا «Kaspi Bank» حالىققا ءتيىمدى قىزمەت كورسەتىپ وتىر. الايدا بۇل قىزمەتتەردىڭ بارلىعى ورىس تىلىندە كورسەتىلەتىنى وكىنىشتى. ءوز ءىسىن جاقسى بىلەتىن بانك قىزمەتكەرلەرى مەملەكەتتىك ءتىلدى مەنسىنبەي مە دەگەن زاڭدى سۇراق تۋىندايدى. بۇعان سەبەپ، «kaspi.kz» رەسمي سايتى مەن «kaspi.kz» ءموبيلدى قوسىمشاسى مەملەكەتتىك تىلدە مۇلدە جۇمىس ىستەمەيدى. ءتىپتى «Kaspi Bank» بانكوماتتارى دا تەك ورىس ءتىلىن قولدايدى.

«Kaspi Bank» سالىمشىلارى مەن «kaspi.kz» قىزمەتىن پايدالانۋشىلاردىڭ كوبى قازاقتار ەكەنى ءسوزسىز. سەبەبى قازاقستان حالقىنىڭ 70%-دان استامىن قازاق ۇلتى قۇرايدى. دەمەك كاسپي بانك مەملەكەتتىك ءتىلدى جانە قازاق ءتىلدى تۇتىنۋشىلارىن قۇرمەتتەسە بۇل كەمشىلىكتى تۇزەتۋلەرى كەرەك. بارلىق بانكوماتتارى مەن «kaspi.kz» رەسمي سايتى جانە ءموبيلدى قوسىمشاسى مەملەكەتتىك تىلدە قىزمەت كورسەتۋىن تالاپ ەتەمىز.

قۋانىش قاپپاس

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618