ونىڭ سوزىنشە، قازىر ۇيىمدا ورالمان كۋالىگىنىڭ مەرزىمى ءوتىپ كەتۋىنە بايلانىستى ازاماتتىق الا الماي جۇرگەن 3 مىڭ 200 ادامنىڭ ءتىزىمى بار.

"مۇنداي ازاماتتاردىڭ سانى بۇدان كوپ بولۋى مۇمكىن. سەبەبى، ءبىز قولىمىزعا تۇسكەندەردى عانا تىزىمگە الدىق. ورالمان كۋالىگىنىڭ مەرزىمى ءوتىپ كەتۋىنە بىرنەشە سەبەپ بار. نەگىزگىسى - كەزىندە ورالمانداردان كەلگەن ەلىنەن سوتتالماعان دەگەن انىقتاما اكەلۋدى تالاپ ەتەتىن. ونداي انىقتاما الۋ قيىن. ول انىقتامانى الامىز دەپ جۇرگەندە ورالمانداردىڭ قىتاي پاسپورتىنىڭ مەرزىمى ءوتىپ كەتكەن. ال ەندى قىتايعا بارايىن دەسە، ۇستالىپ قالامىز دەپ قورقادى", - دەيدى ىرىسبەك توقتاسىن.

وسىنى ەسكەرىپ، ىرىسبەك توقتاسىن بيلىكتەن مەملەكەتتىك كوميسسيا قۇرىپ، جەڭىلدىكپەن ءارى تەزدەتىپ ازاماتتىق الۋدى زاڭداستىرۋدى سۇرايدى.

قازاقستاندا ەتنيكالىق قازاقتارعا ازاماتتىقتى جەڭىلدەتىلگەن تارتىپپەن بەرۋدى قاراستىراتىن زاڭ جوباسى بيىل مامىر ايىندا پارلامەنت ءماجىلىسىنىڭ قاراۋىنا ەنگىزىلمەك.

Abai.kz