2019 جىلعى قاڭتار مەن ناۋرىز ارالىعىندا 2002 جىلى تۋعان 7000 قازاقستاندىقتاردى اسكەري ەسەپكە تىركەۋ ءتارتىبى بويىنشا اسكەري ەسەپكە الىنادى. ازاماتتاردى اسكەرگە شاقىرۋ ۋچاسكەلەرىنە تىركەۋ – بۇل اسكەرگە شاقىرۋ جاسىنا دەيىنگىلەردى اسكەري ەسەپكە قويۋ ءۇشىن جەرگىلىكتى اسكەري باسقارۋ ورگاندارىمەن بىرلەسىپ، ءتيىستى جەرگىلىكتى اتقارۋشى ورگاندار جۇرگىزەتىن اسكەري ەسەپكە الۋ ءىس-شارالارى بولىپ تابىلادى. تىركەلۋ جىلى 17 جاسقا تولاتىن قازاقستان رەسپۋبليكاسىنىڭ ەر ازاماتتارى اسكەرگە شاقىرۋ ۋچاسكەلەرىنە تىركەلۋگە جاتادى. تىركەۋگە كەلۋ تۋرالى ازاماتتاردى حابارلاۋ جەرگىلىكتى اسكەري باسقارۋ ورگاندارىمەن شاقىرۋ قاعازى ارقىلى جۇرگىزىلەدى. جەرگىلىكتى اسكەري باسقارۋ ورگاندارىنا شاقىرىلاتىن بارلىق ازاماتتار شاقىرۋ قاعازىندا كورسەتىلگەن قۇجاتتارمەن ۋاقىتىندا شاقىرۋ ۋچاسكەسىنە كەلەدى. ءجابو ۋاكىلدى تۇلعاسى ۇسىنىلعان قۇجاتتار بويىنشا ازاماتتارمەن اڭگىمەلەسۋ جۇرگىزەدى.

سونىمەن قاتار، ودان ءارى ازاماتتاردى اسكەرگە شاقىرۋ ۋچاسكەلەرىنە تىركەۋ كەزىندە اسكەري قىزمەتكە جارامدىلىق دارەجەسىن بەلگىلەۋ ءۇشىن اسكەري-دارىگەرلىك ساراپتامانى جۇرگىزۋ قاعيدالارىندا ايقىندالعان تارتىپپەن مەديتسينالىق كوميسسيادان وتەدى.

شاقىرۋ ۋچاسكەسىنە تىركەۋگە الىنعان ازاماتتارعا شاقىرۋ ۋچاسكەسىنە تىركەۋ تۋرالى كۋالىك بەرىلەدى. تىركەۋگە الۋ بارىسىندا قر قم جوو-نا ءتۇسۋ بويىنشا ۇگىت-ناسيحات جۇمىستارى جۇرگىزىلەدى. جاستارعا اسكەري قىزمەتتىڭ جەتىستىگى تۋرالى ايتىلادى. ازاماتتاردى شاقىرۋ ۋچاسكەسىنە تىركەۋ قازاقستاندا جىل سايىن وتكىزىلەدى. اسكەري تىركەۋ كەزىندە قازاقستان رەسپۋبليكاسى قورعانىس مينيسترلىگىنىڭ جوعارى وقۋ ورىندارى مەن كادەت كورپۋسىنا، باسقا دا اسكەري وقۋورىندارىنا تۇسۋگە، ونى اياقتاعان سوڭ بولاشاعى تۋرالى ۇگىي-ناسيحات جۇمىستارى جۇرگىزىلەتىنىن اتاپ وتكەن ءجون.

الماتى قالاسى قورعانىس ىستەرى جونىندەگى ءباسپاسوز قىزمەتى

Abai.kz