قازاقستان تولقۇجاتتار يندەكسىندە 67-ورىنعا كوتەرىلدى، دەپ حابارلايدى اباي-اقپارات قازاقپاراتقا سىلتەمە جاساپ.

Henley & Partners كومپانياسى 8 قاڭتار كۇنى تولقۇجاتتار يندەكسىنىڭ جاڭارتىلعان نۇسقاسىن جاريالادى.

رەيتينگ ۆيزاسىز رەجيمگە ەنگىزىلگەن سوڭعى وزگەرىستەردەن قۇراستىرىلادى. ايتا كەتەيىك، بۇگىندە قازاقستان  ازاماتتارى الەمدەگى 76 ەلگە ۆيزاسىز بارا الادى. ەلىمىز يندەكستە ەكى ساتىعا جوعارىلاپ، 67-ءىنشى ورىنعا ورنالاستىرىلعان. رەيتينگ باسىندا جاپونيا تۇر. جاپوندىقتار ۆيزاسىز 190 ەلگە ساياحاتتاي الادى. ودان كەيىنگى ورىنداردا وڭتۇستىك كورەيا مەن سينگاپۋر (189 ەل) تۇر. ۇزدىك ۇشتىك قاتارىنا، سونداي-اق گەرمانيا مەن فرانتسيا (188 ەل) ەنگەن.

رەسەي - 48-ورىندا (119 ەل), ۋكراينا - 41 (128 ەل), بەلارۋس - 66 (77 ەل), ازەربايجان - 74 (66 ەل), وزبەكستان  - 80 (56 ەل), قىرعىزستان - 76 (64 ەل), تاجىكستان - 80 (56 ەل) جانە تۇرىكمەنستان 85-ورىندا (53 ەل).

Henley & Partners كومپانياسىنىڭ تولقۇجاتتار يندەكسى حالىقارالىق اۋە كولىگى قاۋىمداستىعىمەن (IATA) ىنتىماقتاستىقتا 2006 جىلدان بەرى جاريالانىپ كەلەدى.

Abai.kz