بىرىڭعاي جيناقتاۋشى زەينەتاقى قورىنداعى جەكە زەينەتاقى ەسەپ-شوتى اۆتوماتتى تۇردە اشىلاتىن بولادى. بۇل تۋرالى مالىمەتتى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى تاراتتى.

ءباسپاسوز مالىمەتتەرىنە قاراعاندا، ازاماتتاردىڭ جيناقتاۋشى زەينەتاقى جۇيەسىنە قاتىسۋىنا قاتىستى كەلەسى جاعىمدى جاڭالىقتىڭ ءبىرى، جەكە زەينەتاقى ەسەپشوتىن اشۋ ءراسىمى جەڭىلدەتىلىپ وتىر. 2018 جىلدىڭ 27 جەلتوقسانىنداعى قر «قازاقستان رەسپۋبليكاسىنىڭ حالىقتى جۇمىسپەن قامتۋ ماسەلەلەرى بويىنشا بىرقاتار زاڭ اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭىنا ەنگىزىلگەن تۇزەتۋلەر مىندەتتى زەينەتاقى جارناسىن تولەۋ پروتسەدۋرالارىن وڭتايلاندىرۋعا باعىتتالعان.

جاڭا جارنا تولەۋشىلەر ءۇشىن بىرىڭعاي جيناقتاۋشى زەينەتاقى قورىنىڭ مىندەتتى زەينەتاقى جارناسىن تولەۋشىلەرگە جەكە زەينەتاقى شوتىن اشۋ جەڭىلدەتىلگەن.

قولدانىستاعى زاڭعا سايكەس، (2018 جىلدىڭ 27 جەلتوقسانىندا ەنگىزىلگەن وزگەرىستەرگە دەيىنگى) بىرىڭعاي جيناقتاۋشى زەينەتاقى قورىندا جەكە تۇلعالار جەكە زەينەتاقى ەسەپشوتىن اشۋ ءۇشىن بجزق بولىمشەلەرىنىڭ قىزمەتىنە جۇگىنىپ، ءوتىنىش جازاتىن. ەندى جارنا تولەۋشىلەر ءۇشىن، بجزق-عا تۇسكەن العاشقى جارنا نەگىزىندە اۆتوماتتى تۇردە ەسەپشوت اشىلادى.

بۇل «ءوتىنىشسىز» مەحانيزمى بويىنشا مىندەتتى زەينەتاقى جارناسى ەسەبىنەن جەكە زەينەتاقى ەسەپشوتىن اشۋ بجزق زەينەتاقى ەرەجەلەرىنە ەنگىزىلگەن وزگەرىستەر 2019 جىلدىڭ ءبىرىنشى توقسانىندا جۇزەگە اسقان ساتتەن باستاپ جۇمىس ىستەيدى.

بۇل ورايدا جارنا تولەۋشىلەردىڭ بارلىق قاجەتتى ماعلۇماتتارىن، جەكە كۋالىگىنىڭ، تۇراقتى مەكەنجايى تۋرالى مالىمەتتەرىن بجزق مەملەكەتتىك ورگانداردىڭ اقپاراتتىق جۇيەسىنەن الادى.

دەرەككوز: turkystan.kz

Abai.kz