قوعام وكىلدەرىنەن بىرنەشە ادام، قازا بولعان جىگىتتىڭ تۋىستارى اۋەلى ىشكى ىستەر باسقارماسىندا باسشىلارمەن كەزدەسكەن. بۇدان سوڭ جۇرت وبلىستىق ءبىلىم باسقارماسى عيماراتىنىڭ الدىنا جينالعان.
Facebook الەۋمەتتىك جەلىcىن قولدانۋشى گۇلدەن جانديلدينوۆانىڭ وقيعا ورنىنان جۇرگىزگەن تىكەلەي ترانسلياتسياسىنداعى ۆيدەودا جينالعاندار اراسىنان كەيبىرەۋلەردىڭ "قىلمىس جاساعاندار امالىن تاۋىپ قۇتىلىپ كەتپەسىن" دەگەن سوزدەرى ەستىلەدى.
جينالعان حالىق الدىنا وبلىس اكىمى ەرلان قوشانوۆ كەلىپ، قىلمىستىق وقيعانى قۇقىق ورگاندارى تەكسەرىپ جاتقانىن حابارلادى.
1 قاڭتارعا قاراعان ءتۇنى قاراعاندىداعى "درەۆني ريم" مەيرامحاناسىندا كليەنتتەر اراسىندا كيكىلجىڭ شىعىپ، سوڭى توبەلەسكە ۇلاسقان. توبەلەس كەزىندە پىشاقتالعان ءبىر ادام جان تاپسىرعان. دەنەسىنە پىشاق ءتيىپ جارالانعان ەكى جىگىت اۋرۋحانادان شىقتى دەپ حابارلادى 3 قاڭتاردا وبلىستىق دەنساۋلىق ساقتاۋ دەپارتامەنتى.
كوكىرەك قۋىسىنا پىشاق كىرگەن ءۇشىنشى ادام قازىر اۋرۋحانادا جاتىر. دارىگەرلەر ونىڭ جاعدايىن "تۇراقتى" دەپ باعالاپ وتىر.
پوليتسيا "كىسى ءولىمى" جانە بۇزاقىلىق" باپتارىمەن قىلمىستىق ءىس قوزعالعانى، قىلمىسقا كۇدىكتى ءۇش ادام ۇستالىپ، بىرەۋىنە ىزدەۋ جاريالانعانى تۋرالى حابارلاعان.
Abai.kz
