شىمكەنت قالالىق وتباسى، بالالار جانە جاستار ىستەرى جونىندەگى باسقارماسىنىڭ تاپسىرىسى بويىنشا «Space solutions» جشس كومپانياسىنىڭ  ۇيىمداستىرۋىمەن «مەنىڭ اكەم» ءفيلمى ءتۇسىرىلدى.

فيلم ستسەناريىنىڭ باستى ماقساتى وتباسىندا اكە ءرولىنىڭ ماڭىزدى فاكتور ەكەنىن ايقىن كورسەتۋ، سونداي-اق وتباسى قۇندىلىقتارىن ناسيحاتتاۋ.

بالا بويىنداعى جاقسىلى-جاماندى قاسيەتتەرىن بايقاسا، قازاق ونى ەڭ ءبىرىنشى اكە مەن اتا تاربيەسىنەن كورەدى، تەگىنە تارتقان دەيدى. "اكەسى سونداي ادام ەدى، اتاسى جاقسى ادام، كورگەندى بالا" دەپ ەر ادام تاربيەسىن اۋىزعا الادى. ويتكەنى اكەسىنىڭ بالاسىنا قالدىرعان ەڭ ۇلكەن مۇراسى – ونىڭ جاقسى تاربيەسى. ال اكە مەكتەبىنەن وتكەن بالا سول مۇراعا قيانات جاساماۋعا تىرىسقان.

«وتباسىن قۇرۋ - ۇلكەن جاۋاپكەرشىلىكپەن قارايتىن دۇنيە. قازىرگى قوعامدا كوپتەگەن وتباسىنىڭ ءالسىز تۇستارى تىكەلەي اكەگە بايلانىستى بولىپ كەلەتىنى راس. اكەنىڭ رۋحاني مىقتى بولۋى – بولاشاق ۇرپاقتىڭ جارقىن ءامىر سۇرۋىنە كەپىل بولماق. سول سەبەپتى قازاق جگىتتەرى ەرتە باستان ەسەيىپ، ۇلت قامى ءۇشىن ءوز ميسسياسىن ادال ورىنداۋى ءتيىس» ، - دەدى فيلم رەجيسسەرى ازامات ابدىكەرىمۇلى.

2018 جىلدىڭ 19-27 جەلتوقسان كۇندەرى ارالىعىندا جوعارى جانە ورتا وقۋ ورىندارىنىڭ ستۋدەنتتەرى ءۇشىن «مەنىڭ اكەم» ءفيلمىنىڭ ارنايى كورسەتىلىمى ءوتتى.

Abai.kz