شىمكەنت قالالىق وتباسى، بالالار جانە جاستار ىستەرى جونىندەگى باسقارماسىنىڭ تاپسىرىسى بويىنشا «Space solutions» جشس كومپانياسىنىڭ  ۇيىمداستىرۋىمەن جوعارى جانە ورتا وقۋ ورىندارى ستۋدەنتتەر اراسىندا «وتباسى - جانۇيا جاراسىمى» جوباسى اياسىندا سەمينار-ترەنينگتەر ءوتتى، - دەپ حابارلايدى اباي-اقپارات.

اتالمىش ءىس-شاراعا «ABRIS» ترەنينگ ورتالىعىنىڭ ديرەكتورى مەرگەنباي اقان، «رەسۋرستىق ينكليۋزيۆتى ءبىلىم بەرۋ جانە پسيحولوگيالىق كومەك بەرۋ» ورتالىعىنىڭ جەتەكشىسى، ارت-تەراپەۆت، تاجىربيەلى پسيحولوگ ايتجانوۆا گۋلنارا، «ستۋدەنتتەرگە پسيحولوگيالىق كومەك كورسەتۋ» ورتالىعىنىڭ  باس مامانى باروۆا ايزات جانە جوو ستۋدەنتتەرى مەن باق وكىلدەرى قاتىستى.

ءىس-شارانىڭ ماقساتى بىلىكتى مامانداردىڭ ءوز تاجىربيەلەرىمەن بولىسە وتىرىپ جاستار اراسىندا وتباسىلىق قۇندىلىقتارىن ناسيحاتتاۋ، جار تاڭداۋ ماسەلەسىندە اقىل-كەڭەس بەرۋ، اجىراسۋ سەكىلدى قوعام كەسەلىنىڭ الدىن الۋ.

«بۇگىنگى وتكەن سەمينار-ترەنينگتە وتباسى مۇشەلەرىنىڭ ءرولى جايلى پايدالى كەڭەستەر الا وتىرىپ، بولاشاقتا قىز بالاعا تۇرمىسقا شىعار الدىندا «ايەل. كەلىن. انا» دەپ اتالاتىن ماڭىزدى سحەماعا دايىن بولۋ كەرەكتىگىن ءتۇسىندىم. مۇنداي سەمينار-ترەنينگتەر ءجيى وتەتىن بولسا ءبىز سەكىلدى ءاربىر جاس جاۋاپكەرشىلىگى مول تۇرمىستىق ومىرگە قادام باسار الدىندا كوپتەگەن قاجەتتى اقپاراتتاردان حاباردار بولار ەدى» ، - دەدى سەمينار-ترەنينگ قاتىسۋشىسى ايگەرىم اقجول.

«رەسۋرستىق ينكليۋزيۆتى ءبىلىم بەرۋ جانە پسيحولوگيالىق كومەك بەرۋ» ورتالىعىنىڭ جەتەكشىسى، ارت-تەراپەۆت، تاجىربيەلى پسيحولوگ ايتجانوۆا گۋلنارا وتباسىندا اتا-انا مەن بالا اراسىنداعى قارىم-قاتىناس جايلى، ۇلكەن، ورتا جانە كىشى بالانىڭ پسيحولوگياسى، ولاردىڭ جەكە اتقاراتىن ءرولىنىڭ ماڭىزدىلىعىن تۇسىندىرسە، «ABRIS» ترەنينگ ورتالىعىنىڭ ديرەكتورى مەرگەنباي اقان جاس وتباسىلارعا نە سەبەپتى اجىراسۋ قاۋپى تونەتىندىگى جانە سول كەمشىلىكتەدىڭ قالاي الدىن الۋعا بولاتىنى جونىندە ايتىپ ءوتتى.

Abai.kz