بەيسەنبى, 22 قازان 2020
COVID-19 قازاقستاندا. جۇقتىرعاندار — 109907. جازىلعاندار — 105385. قايتىس بولعاندار — 1796
1802 1 پىكىر 3 قاڭتار, 2019 ساعات 10:29

تۇركىمەنستاندا الكوگول ساتۋعا شەكتەۋ قوياتىن زاڭ كۇشىنە ەندى

تۇركىمەنستاندا 1 قاڭتاردان باستاپ الكوگول ونىمدەرىن ساتۋعا شەكتەۋ قوياتىن زاڭ كۇشىنە ەندى. جاڭا ەرەجەگە ساي، ەندى ۇشاقتا، پويىزدا، پارومدا، سپورت كەشەندەرىندە اراق-شاراپ ساتۋعا تىيىم سالىنادى.

5,6 ميلليون حالقى بار ەلدە ەندى ۇلتتىق مەرەكەلەردە دە الكوگول ونىمدەرىن ساتۋعا بولمايدى. ال 2021 جىلدان باستاپ سەنبى-جەكسەنبىدە بارلار مەن مەيرامحانالاردان باسقا جەردە اراق-شاراپ ساتۋعا شەكتەۋ قويىلماق.

ەلدى 2007 جىلدان بەرى باسقارىپ وتىرعان گۋربانگۋلى بەردىمۇحامەدوۆ 2025 جىلعا تامان تەمەكى ساتۋدى شەكتەيتىن زاڭ قابىلدايتىنىن ايتقان.

سوڭعى جىلدارى ەلدە الەۋمەتتىك جەڭىلدىكتەر جويىلىپ، جۇمىس ورىندارى جابىلعان. وزگە ەلگە ناپاقا تابۋمەن كەتكەن ازاماتتار سانى ۇلعايىپ، دۇكەندەردە نان كەزەگى كوبەيگەن.

Abai.kz

1 پىكىر