جۇما, 29 ناۋرىز 2024
3750 2 پىكىر 3 قاڭتار, 2019 ساعات 10:23

1 قاڭتاردان باستاپ ەلىمىزدە سىرتتاي وقۋ جابىلدى

2019 جىلدىڭ 1 قاڭتارىنان باستاپ قازاقستاندا سىرتتاي وقۋ توقتاتىلدى. وسىعان دەيىن قر ءبىلىم جانە عىلىم ءمينيسترى ەرلان ساعاديەۆ سىرتتاي وقۋدىڭ نەلىكتەن جويىلعانىنا تۇسىنىك بەرگەن بولاتىن.

بۇل ماسەلەگە قاتىستى قر ءبىلىم جانە عىلىم ۆيتسە-ءمينيسترى اسحات ايماعامبەتوۆ قازاقستاندا جوعارى ءبىلىمدى «part-time» جۇيەسى بويىنشا الۋعا بولاتىنىن ءمالىم ەتتى.

«ءبىز «part-time» ينستيتۋتى قاجەت ەكەنىن كورىپ وتىرمىز. وسىنىڭ قاجەتتىگىن سەزىنىپ وتىرعان ازاماتتار بار، سەبەبى ومىردە ءتۇرلى جاعدايلار تۋىندايدى. الايدا بۇل ينستيتۋت وزگەرتىلەدى. قازىرگى كەزدە ءتيىستى نورماتيۆتىك-قۇقىقتىق بازا دايىندالىپ جاتىر. «Part-time» ارقىلى ءبىلىم بەرۋگە بولادى، بىراق ءبىرشاما تۇزەتۋلەر ەسكەرىلەدى. بىرىنشىدەن، ولار مىندەتتى تۇردە 65 ەمەس، ياعني ءبىلىم ستاندارتىنا سايكەس ءتيىستى باعدارلاما بويىنشا كرەديتتەردىڭ كولەمىنەن 100 پايىزىن وقيتىن بولادى. ەكىنشىدەن، ءبىز قاشىقتىقتان وقىتاتىن تەحنولوگيالاردى پايدالانامىز. ول ءۇشىن پروكتورينگتىڭ ارنايى جۇيەسىن ازىرلەۋ قاجەت»، - دەدى ۆيتسە-مينيستر ءباسپاسوز ءماسليحاتىندا.

ونىڭ سوزىنە قاراعاندا، سىرتتاي وقيتىن ستۋدەنتتەر كۇندىزگى بولىمدەگى قاتارلاستارى يەگەرىپ جۇرگەن كولەمنىڭ 65 پايىزعا جۋىعىن قامتيدى. دەگەنمەن دە ولار بىردەي ديپلومداردى الادى جانە نارىقتا ولاردىڭ قايسىسى ءبىلىمىن سىرتتاي مەڭگەرگەنىن بىلمەي جاتادى.

سونىمەن قاتار، ۆيتسە-مينيستر 2018 جىلى بۇرىنعى نورما بويىنشا ءبىلىم بەرۋ جالعاساتىنىن، سايكەسىنشە، جوو-لار ستۋدەنتتەردى ءداستۇرلى جۇيەمەن قابىلداي الاتىندىعىن ناقتىلادى. مۇنىمەن قوسا، اتالعان فورما اياسىندا وقىپ جاتقاندار دا ديپلومدارىن العانشا وقۋلارىن جالعاستىرادى.

ا. ايماعامبەتوۆ سىرتتاي ءبىلىمدى توقتاتۋ قادامىنا توقتالا كەلە، اتالعان فورماعا 2010 جىلدان باستاپ ءىشىنارا تىيىم سالىنعانىن جەتكىزدى. ماسەلەن، سىرتتاي وقۋعا جوعارى ءبىلىمدى ەكىنشى مارتە الاتىندار نەمەسە ۇلتتىق بىلىكتىلىك شەڭبەرىنىڭ ءۇشىنشى دەڭگەيىندەگى كوللەدج تۇلەكتەرى تۇسەدى. سونىڭ وزىندە، كوپ ماماندىقتار ولار ءۇشىن قولجەتىمسىز. مىسالى، مەديتسينا، ۆەتەريناريا، قۇرىلىس جانە باسقا باعىتتار.

دەرەككوز: turkystan.kz

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3600