دۇيسەنبى, 26 قازان 2020
COVID-19 قازاقستاندا. جۇقتىرعاندار — 110402. جازىلعاندار — 105618. قايتىس بولعاندار — 1796
1949 5 پىكىر 3 قاڭتار, 2019 ساعات 10:17

قازاقستاندا زەينەتاقى مەن جالاقى وسەدى

قازاقستاندا 1 قاڭتاردان باستاپ زەينەتاقى مەن ورتاشا جالاقى وسەدى. بۇل تۋرالى پرەمەر-ءمينيستردىڭ سايتى قازاقستان پرەزيدەنتى نۇرسۇلتان نازارباەۆتىڭ بىلتىرعى جولداۋىنداعى تاپسىرماسىنا سىلتەمە جاساپ حابارلايدى.

ەندى ەلدەگى ەڭ تومەنگى جالاقى 42500 تەڭگە (بۇرىن - 28 مىڭ تەڭگە) بولادى. مەملەكەتتىك مەكەمەلەر مەن بيۋدجەت قىزمەتكەرلەرىنىڭ ايلىعى 35 پايىزعا كوبەيەدى.

ۇكىمەتتىڭ حابارلاۋىنشا، ەلدە ىنتىماقتى زەينەتاقى 7 پايىزعا، بازالىق زەينەتاقى 5 پايىزعا وسەدى. 2019 جىلعى 1 قاڭتاردان باستاپ ەڭ تومەنگى ىنتىماقتى زەينەتاقى - 36 108 تەڭگە، ەڭ تومەنگى بازالىق زەينەتاقى - 16 037 تەڭگە بولادى. ال مىندەتتى زەينەتاقى اۋدارىمدارىن ەنگىزگەنگە دەيىن زەينەتكەرلىككە شىققان ازاماتتار ءۇشىن ەڭ تومەنگى زەينەتاقى 52 145 تەڭگەگە جەتەدى.

قازاقستاندا جالاقى كوبەيگەندە ادەتتە حالىق كوپ تۇتىناتىن تاۋار مەن ازىق-تۇلىك باعالارى قىمباتتاپ كەتەدى.

Abai.kz

5 پىكىر