جۇما, 29 ناۋرىز 2024
انىق-قانىعى 18745 0 پىكىر 3 قاڭتار, 2019 ساعات 09:07

قاراعاندىدا نە جاعداي بولدى؟ رەسمي اقپارات نە دەيدى؟

قاڭتاردىڭ 1-ىندە قاراعاندىدا بولعان وقيعا قازىر الەۋمەتتىك جەلىدە قىزۋ تالقىلانۋدا.

جۇرت ۇلتارالىق قاقتىعىس دەپ سيپات بەرگەن بۇل وقيعا تۋرالى جەرگىلىكتى قۇزىرلى ورگاندار رەسمي اقپارات تاراتتى. رەسمي تىلدەگى رەسمي اقپاراتتى قازاقشاعا قوتارىپ بەرگەندى ءجون كوردىك.

سونىمەن، قاراعاندىدا نە بولدى؟ وبلىس اكىمدىگى مەن پروكۋراتۋراسىنىڭ مالىمەتى مىنە:

قاڭتاردىڭ 1-ءى كۇنى قاراعاندى قالاسىنداعى "درەۆني ريم" دەيتىن رەستوراندا جانجال بولعان. ونىڭ ارتى جاپپاي توبەلەسكە جالعاسقان. توبەلەس كەزىندە 1 ادام قازا تاپقان، جانە ۇشەۋى جاراقات العان. جاراقات العانداردىڭ دەنى پىشاقتالعان. 

قۇزىرلى ورگان قر قىلمىستىق كودەكسىنىڭ 99-بابى (كىسى ءولتىرۋ) جانە 293-بابى (بۇزاقىلىق) بويىنشا قىلمىستىق ءىس قوزعاعان. 

قازىرگە دەيىن جۇرگىزىلگەن تەرگەۋ جۇمىستارىنىڭ ناتيجەسىندە جانجالعا قاتىسى بار دەگەندەردىڭ ۇشەۋى ۇستالعان جانە بىرەۋىنە ىزدەۋ سالىنعان.

سونداي-اق، قازىر الەۋمەتتىك جەلىلەردە تاراپ كەتكەن اقپارات شىندىققا سايكەس كەلمەيدى. وندا 2 ادام قازا تاپتى دەلىنگەن جانە جانجالعا ۇلتارالىق سيپات بەرگەن. 

شىندىعىندا جانجال ەكى كومپانيا اراسىندا بولعان. جانە ۇلتارالىق سيپات الماعان. ويتكەنى ءار توپتا قازاقتار دا، وزگە ۇلت وكىلدەرى دە بولعان. 

تۇرعىنداردى ارانداتۋشىلىققا بوي الدىرماۋعا، تەرگەۋ ورگاندارى بەرگەن شىن اقپاراتقا قۇلاق اسۋعا شاقىرامىز. زاڭ بۇزۋشىلىقتىڭ الدىن الۋ ماقساتىندا،  ۇلتارالىق ارازدىقتى قوزدىرۋدى قاساقانا جۇزەگە اسىرۋ قر قىلمىستىق كودەكسىنىڭ 174 بابى بويىنشا قىلمىستىق جاۋاپكەرشىلىككە تارتىلۋعا اكەلىپ سوقتىراتىنىن ەسكەرتەمىز.

سول ءۇشىن دە وبلىستىق پروكۋراتۋرا تۇرعىنداردى جانە باق وكىلدەرىن رەسمي قۇزىرلى ورگان اقپاراتىن كۇتۋگە شاقىرادى. 

قۇقىققورعاۋ ورگانى تەرگەۋدىڭ اشىق ءوتۋىن قامتاماسىز ەتەدى. تەرگەۋ بارىسى تۋرالى بارلىق اقپارات باق-تا جانە الەۋمەتتىك جەلىدە جاريالانادى. 

تەرگەۋ بارىسى وبلىستىق پروكۋراتۋرانىڭ قاتاڭ باقىلاۋىندا. 

قاراعاندى وبلىستىق اكىمدىگىنىڭ ءباسپاسوز قىزمەتى

قاراعاندى وبلىستىق پروكۋراتۋراسىنىڭ ءباسپاسوز قىزمەتى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3601