جۇما, 29 ناۋرىز 2024
3415 0 پىكىر 26 جەلتوقسان, 2018 ساعات 10:54

الماتىدا دەنيس تەننىڭ ولىمىنە قاتىستى ءىس بويىنشا سوت باستالدى

الماتى قالاسى قىلمىستىق ىستەر جونىندەگى مامانداندىرىلعان اۋدانارالىق سوتتا سەيسەنبى كۇنى مانەرلەپ سىرعاناۋشى دەنيس تەننىڭ ولىمىنە قاتىستى ءىس بويىنشا الدىن الدىن الا تىڭداۋ باستالدى.

تەننىڭ ولىمىنە قاتىستى ىستە ءۇش ايىپتالۋشى بار. ولار - نۇرالى قياسوۆ، ارمان قۇدايبەرگەنوۆ جانە جانار تولىباەۆا. قياسوۆ جانە قۇدايبەرگەنوۆكە "بۇزاقىلىق" (192-باپ، 2-ءبولىم) جانە "ادام ءولىمى" (99-باپ، 2-ءبولىم) باپتارى بويىنشا ايىپتار تاعىلعان. ال تولىباەۆا "قىلمىستى حابارلاماۋ" (434-باپ) ايىبى بويىنشا كۇدىككە ىلىنگەن. بۇدان بولەك، قۇدايبەرگەنوۆ پەن تولىباەۆاعا ءوزارا كەلىسىپ "ۇرلىق جاسادى" دەگەن ايىپ تاعىلعان. ولار جاز ايلارىنان بەرى قاماۋدا وتىر.

الدىن الا سوت تىڭداۋىنا جابىرلەنۋشى جاق - سپورتشىنىڭ تۋىستارى، ادۆوكاتتارى، ايىپتالۋشى جانە ايىپتالۋشىنىڭ جاقىندارى، ادۆوكاتتارى، اقپارات قۇرالدارى قاتىستى. سوت اشىق بولعانىمەن، پروتسەسس باستالعان كەزدە دەنيس تەننىڭ اناسى، ءۇش كۇدىكتى وزدەرىن فوتو-ۆيدەوعا تۇسىرۋگە رۇقسات بەرمەيتىنىن ايتتى. ءىستى سۋديا كەڭشىلىك ابدەلدينوۆ جۇرگىزدى.

العاشقى سوت تىڭداۋىندا جابىرلەنۋشى جاقتىڭ ادۆوكاتى نۇرلان وستەمىروۆ سوتقا 39 تومدى ىستە قاراما-قايشىلىقتار كوپ ەكەنىن ايتىپ، ءىستى قايتا قاراۋعا جىبەرۋ كەرەكتىگىن ايتتى.

"اتاپ ايتقاندا وندا ءىستىڭ تاپسىرىسپەن جاسالعان قىلمىس ەكەنى ايتىلادى. سوندىقتان ايىپتالۋشىلار قاتارىندا تاعى كۇدىكتىلەر بولۋى كەرەك" دەدى ول.

جابىرلەنۋشى تاراپتىڭ وتىنىشىنە پروكۋراتۋرا وكىلى مەن قورعاۋ تارابى قارسى بولعان. سۋديا ابدەلدينوۆ وستەمىروۆتىڭ شاعىمىن قاناعاتتاندىرماعانمەن "ەگەر سوت بارىسىندا جاڭا دەرەكتەر انىقتالىپ جاتسا، قوسىمشا قارايمىز" دەپ ايتتى.

ايىپتالۋشىلار كۇدىككە ىلىنگەن باپتاردىڭ ءبىرى بويىنشا ومىرلىك جازا بەرۋ قاراستىرىلعاندىقتان سۋديا ولاردىڭ ءىسىن القا بيلەر قاراستىرا الاتىنىن ايتتى. بىراق ايىپتالۋشىلار ودان باس تارتتى.

كەلەسى سوت وتىرىسى 3 قاڭتارعا بەلگىلەندى.

19 شىلدەدە الماتىدا قازاقستاندىق مانەرلەپ سىرعاناۋشى، سوچي وليمپياداسىنىڭ قولا جۇلدەگەرى، ازيا ويىندارىنىڭ چەمپيونى دەنيس تەن پىشاق جاراقاتىنان اۋرۋحانادا قازا تاپقان. سپورتشى قالا ورتالىعىندا كولىگىنىڭ جانىندا الدەكىمدەر سالعان پىشاق جاراقاتىنان اۋرۋحاناعا جەتكىزىلگەن سوڭ قايتىس بولعان. الدىن-الا دەرەك بويىنشا، ول كولىگىنىڭ ايناسىن ۇرلاعان ادامداردى توقتاتپاق بولعان كەزدە جارالانعان.

سپورتشىنىڭ ءولىمى قوعامدا رەزونانس تۋدىردى. ەلدە ىشكى ىستەر ءمينيسترى قالمۇحانبەت قاسىموۆتىڭ وتستاۆكاسىن تالاپ ەتكەن ۇراندار كوبەيدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565