جۇما, 29 ناۋرىز 2024
3536 0 پىكىر 26 جەلتوقسان, 2018 ساعات 10:19

قازاقستان كورشىلەس قىرعىزستان كەدەنىنە بىرلەسكەن باقىلاۋ ەنگىزۋدى سۇرادى

Transparency Kazakhstan قوعامدىق قورى ساراپشىلارىنىڭ پىكىرىنشە، قىرعىزستاننىڭ كەدەن بەكەتتەرىنە ەاەو ەلدەرى بەرلەسكەن باقىلاۋ ەنگىزۋى كەرەك.

قازاقستان ۇكىمەت باسشىسىنا جازعان حاتىندا ولار ەاەو ەلدەرىنىڭ كەدەن الىمىندا 2020 جىلعا دەيىن قىرعىزستان ۇلەسى 1,9 پايىز ەكەنىن اتاپ وتكەن. شىن مانىندە قازاقستان، رەسەي جانە بەلارۋس كەدەن تولەمدەرى ەسەبىمەن قىرعىزستان بيۋدجەتىنە دەمەۋشىلىك جاساپ وتىر دەپ ەسەپتەيدى ساراپشىلار.

"دەگەنمەن، قىرعىزستان قىتاي مەن تۇركيادان اكەلىنەتىن اۋقىمدى كونتراباندا ارقىلى كەدەن تولەمدەرىنىڭ ءبىر بولىگىن جاسىرىپ وتىر. دسۇ ساۋدا ستاتيستيكاسىنا ساراپتاما الىمدار الشاقتىعى 3-4 ەسە ەكەنىن كورسەتتى. سونىڭ سالدارىنان جالپى كەدەن الىمىنا سالماق ءتۇسىپ، ەاەو ەلدەرىنە، اسىرەسە قازاقستانعا سوققى بوپ تيەدى. استانا 2017 جىلى بۇل ماسەلەنى قىرعىزستان پرەزيدەنتى المازبەك اتامباەۆ الدىندا كوتەرگەن" دەلىنگەن ۇندەۋدە.

"ترانسپارەنسي قازاقستان" سايتىندا قور "ترانسپارەنسي ينتەرنەشنل" حالىقارالىق ۇيىمىنىڭ ۇلتتىق ءبولىمى ەكەنى ايتىلعان. ۇيىم ۇكىمەت پەن قوعامداعى اشىقتىقتى قامتاماسىز ەتۋگە، جەمقورلىق دەڭگەيىن تومەندەتۋگە كومەكتەسەدى.

بۇعان دەيىن قىرعىزستاندىقتار كەدەن قىزمەتىن ەڭ جەمقور مەملەكەتتىك ورگان دەپ اتاعان.

قىرعىزستان بيلىگى كورسەتكىشتەردەگى الشاقتىقتى ەسەپتەۋ ءادىسىنىڭ ارقيلىعىمەن تۇسىندىرگەن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610