بەيسەنبى, 28 ناۋرىز 2024
4186 1 پىكىر 25 جەلتوقسان, 2018 ساعات 14:50

«حابار» ارناسىنىڭ جاڭا جىلدىق باعدارلامالارى

«حابار» ارناسى جىلداعى ءداستۇر بويىنشا جاڭا جىل قارساڭىندا كورەرمەندەرگە مەرەكەلىك باعدارلامالار ازىرلەدى. مەيرام كۇندەرى وتباسىلىق فيلمدەر، قىزىقتى جوبالار، كونتسەرتتىك باعدارلامالار،  بالالارعا ارنالعان بازارلىقتار  ەفير اجارىن اشا تۇسەدى. 

28 جەلتوقسان كۇنى ساعات 21.30-دا «ماحاببات كافەسى» كارتيناسى العاش رەت تەلەكورەرمەن نازارىنا ۇسىنىلادى. باستى رولدەردە تانىمال ءانشى ەركە ەسماحان جانە اكتەر ءشارىپ سەرىك وينايدى. ءفيلمنىڭ رەجيسسەرى اسقار ۇزاباەۆ. وتباسىلىق كومەديا جەلىسى بويىنشا جولدىڭ بويىندا «ماحاببات» كافەسى ورنالاسقان. قالادان قاشىپ كەلگەن اسپاز جىگىت جاسىرىنىپ ءجۇرىپ، وسى كافەگە جۇمىسقا ورنالاسادى. ءسويتىپ، ەركە ەكەۋىنىڭ اراسىندا سەزىم پايدا بولادى. ولاردىڭ ماحابباتىنىڭ نەمەن اياقتالعانىن «حابار» تەلەارناسىنان كورە الاسىزدار.

29 جەلتوقسان كۇنى  (ساعات 18.15) جىلدىڭ ەڭ «قىزىق پرەمياسى» تابىستالادى. مارات ورالعازين مەن ەركەبۇلان مىرزابەك باستاعان «قىزىق Times» باعدارلاماسىنىڭ شىعارماشىلىق ۇجىمى قازاقستاندىق شوۋ-بيزنەس وكىلدەرىن، اكتەرلەر، جۇرگىزۋشىلەر مەن سپورتشىلاردى ەڭ وزگەشە جەتىستىكتەرى ءۇشىن  ماراپاتتادى.

30 جەلتوقسان كۇنى «جىل تاڭداۋى 2018» ۇلتتىق مۋزىكالىق تەلەۆيزيالىق جوباسى كورەرمەنگە ۇسىنىلادى. بۇل شاراعا جۇزدەن اسا ونەر يەسى قاتىسىپ، 12 500 ادام تاماشالاعان بولاتىن. كەشتى روزا رىمباەۆا، تاۋەكەل ءمۇسلىم، ءلايلا سۇلتانقىزى، امرە، مەيىرجان تورەباەۆ، دانا ەسەەۆا، اشا ماتاي، ارمان قوڭىر، ايگۇل مۇكەي، رۇستەم وماروۆ جانە مەيىرحان شەرنيازوۆ جۇرگىزدى.

بايقاۋدا ءتۇرلى نوميناتسيا بويىنشا 20 ونەر يەسى ماراپاتتالدى.  ولاردىڭ اراسىندا ايدانا مەدەنوۆا، البينا شارداروۆا، قۋاندىق راحىم، زيرۋزا، Alem band, نۇربولات ابدۋللين، نۇرجان كەرمەنباەۆ، بەيبىت كۋشكاليەۆ، ءالي وقاپوۆ، قانات ۇمبەتوۆ، ءمادينا سادۋاقاسوۆا، Luina جانە باسقا انشىلەر بار. دەنيس تەن، شەرحان مۇرتازا جانە ابدراحمان اسىلبەككە ارنالعان ارنايى نومىرلەر ازىرلەندى.

سونداي-اق كەشكە تۇركيا ەلىنەن مۋراد ۋاپىراك جانە قىرعىزستاننان ايدانا سىندى انشىلەر قوناققا كەلدى. مۋزىكالىق جوبا اياسىندا «STAR FASHION SHOW 2018» ءسان بايقاۋى ءوتتى. وندا 16 ديزاينەر ءوز جۇمىستارىن ۇسىنعان ەدى. وسىناۋ قىزىقتى جەكسەنبى كۇنى ساعات 22.00-دە تاماشالاڭىزدار.

31 جەلتوقسان كۇنى ۆيكتور گيۋگو رومانىنىڭ جەلىسى بويىنشا تۇسىرىلگەن «وتۆەرجەننىە» سەريالىنىڭ ءبىرىنشى ءبولىمى بريتانيامەن قاتار كورسەتىلەدى. تەلەسەريالدا XIX عاسىردىڭ باسىنداعى وقيعالار سۋرەتتەلەدى. جان ۆالجان – نان ۇرلاپ سوتتالعان قاشقىن. ول ۇزاق جىلداردان بەرى پوليتسيا ينسپەكتورى جاۆەردەن تىعىلىپ جۇرەدى.  جاۆەر بولسا زاڭنىڭ ادىلدىگىنە سەنەدى، سوندىقتان قاشقىندى تۇتقىنداۋ ءومىرىنىڭ باستى ءىسى دەپ ەسەپتەيدى. سونىمەن قاتار كارتينادا جان ۆالجان  ءۇشىن ماڭىزدى ادامداردىڭ ءبىرى - فانتينا ەسىمدى ايەلدىڭ قايعىلى تاعدىرى دا باياندالادى. ونىڭ نەكەسىز تۋعان كوزەتتا ەسىمدى قىزى بار. فانتينا كوز جۇمعان سوڭ جان ۆالجان كوزەتتانى ءوز بالاسىنداي تاربيەلەيدى. وقيعا 1832 جىلى پاريج قالاسىندا وتكەن ماۋسىمداعى كوتەرىلىسپەن دامي تۇسەدى.

كارتينا رەجيسسەرى - توم شەنكلەند. ستسەناريىن ل.ن.تولستويدىڭ رومانى جەلىسىمەن تۇسىرىلگەن «سوعىس جانە بەيبىتشىلىك» سەريالىنىڭ ستسەناريىن جازعان ەندريۋ دەۆيس جازدى.           جان ۆالجاننىڭ ءرولىن دومينيك ۋەست، ينسپەكتور جاۆەردىڭ ءرولىن  دەۆيد ويەلوۋو، فانتينانى ليلي كوللينز سومدايدى.

سونىمەن قاتار 31 جەلتوقسان كۇنى كەشكى 22.00-دەن باستاپ «جاڭا جىلدىق قاربالاس» شوۋى باستالادى. وقيعا استانالىق جۋرناليستەر جينالعان قازمەديا ورتالىعىندا ءوربيدى.  بۇل كەشتە جۋرناليستەر ءان سالىپ،  كامشات جولدىباەۆا پوليتسيا قىزمەتكەرىنە اينالادى. سونداي-اق كونتسەرت بارىسىندا قازاق ەستراداسىنىڭ ەڭ جارقىن جۇلدىزدارى ءمادينا سادۋاقاسوۆا، ەركە ەسماحان، امرە، روزا رىمباەۆا، اباي بەگەي، نۋرجامال ۇسەنباەۆا جانە ت.ب. ونەر كورسەتەدى.

«قوش كەلدىڭ، جاڭا جىل!»، «جاڭا جىل كەشتەرى»، «جاڭا جىلدىق استانالىق قايرىمدىلىق كەش» سىندى كوپتەگەن جوبالار دا مەرەكە كۇندەرى كورەرمەن نازارىنا ۇسىنىلادى.

تاعى جاڭا جىل قارساڭىندا كەڭەستىك فيلمدەر، ەڭ ۇزدىك كينولار مەن بالالارعا ارنالعان مۋلتفيلمدەر دە بولادى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3502