جۇما, 29 ناۋرىز 2024
3804 0 پىكىر 20 جەلتوقسان, 2018 ساعات 19:26

تۇركىستاندا جاڭا اكىمشىلىك ىسكەرلىك ورتالىقتاعى قۇرىلىس قارقىندى ءجۇرىپ جاتىر

بۇگىن تۇركىستان وبلىسىنىڭ اكىمى جانسەيىت تۇيمەباەۆ وبلىس ورتالىعى - تۇركىستان قالاسىنىڭ اكىمشىلىك-ىسكەرلىك ورتالىعىندا بوي كوتەرىپ جاتقان 26 تۇرعىن ءۇيدىڭ قۇرىلىس جۇمىستارىمەن تانىستى.

بۇل تۋرالى Abai.kz اقپاراتتىق پورتالى تۇركىستان وبلىسى اكىمدىگىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

1536 پاتەردەن تۇراتىن باسپانالاردىڭ 1200 پاتەرى (20 تۇرعىن ءۇي) ارەندالىق ۇيلەر بولسا، قالعان 6 تۇرعىن ءۇي، ياعني 336 پاتەر كرەديتتىك باسپانالار قاتارىندا. ىرگەتاسى وسى جىلدىڭ قىركۇيەك ايىندا قالانىپ، مەملەكەتتىك بيۋدجەت ەسەبىنەن سالىنىپ جاتقان 60 پاتەرلى 20 تۇرعىن ءۇيدىڭ 11-ءى (660 پاتەر) 2019 جىلدىڭ ءساۋىر ايىندا تاپسىرىلادى.

ال 9 تۇرعىن ءۇي (540 پاتەر) كەلەر جىلدىڭ قاراشا ايىنا ەل يگىلىگىنە بەرىلمەك.

كرەديتتىك كوپقاباتتى 6 تۇرعىن ءۇيدىڭ (336 پاتەر) قۇرىلىس جۇمىستارى 2019 جىلدىڭ ماۋسىم ايىندا اياقتالىپ، پايدالانىلۋعا تاپسىرىلادى. جاڭا اكىمشىلىك-ىسكەرلىك ورتالىقتا مەملەكەتتىك-جەكەشەلىك ارىپتەستىك ارقىلى 280 ورىندىق جاڭا بالاباقشانىڭ قۇرىلىسى دا حالىق يگىلىگىنە تاپسىرىلدى.

سونداي-اق، 900 ورىندىق مەكتەپتىڭ ەسىگىن جاڭا وقۋ جىلىنا دەيىن اشۋ جوسپارلانۋدا.

جاڭا وبلىس ورتالىعى تۇركىستان قالاسىنىڭ اكىمشىلىك-ىسكەرلىك ايماعىندا قازىر جاڭا اكىمشىلىك عيماراتى، باسقارمالار جانە دەپارتامەنتتەر ۇيلەرى، سونداي-اق، 5 جۇلدىزدى «ريكسوس» قوناق ءۇيىنىڭ قۇرىلىسى باستالىپ كەتتى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3589