جۇما, 29 ناۋرىز 2024
4428 0 پىكىر 30 قاراشا, 2018 ساعات 13:27

تۇركىستان وبلىسىندا ۇلتتىق كودتى جاڭعىرتۋ ماقساتىندا الداعى جىلى «سايگۇلىكتەر» فەستيۆالى وتەدى

پرەزيدەنت اكىمشىلىگىنىڭ جەتەكشىسى اسەت يسەكەشەۆتىڭ توراعالىعىمەن رۋحاني جاڭعىرۋ باعدارلاماسىن ىسكە اسىرۋ جونىندەگى  سەلەكتورلىق جيىندا تۇركىستان وبلىسىنىڭ اكىمى جانسەيىت تۇيمەباەۆ ەلباسىنىڭ ماقالاسىندا ايتىلعان مىندەتتەردى ورىنداۋعا بايلانىستى وڭىردە اتقارىلعان جۇمىستاردى بايانداپ، الداعى ۋاقىتتا ىسكە اسىرىلاتىن جوبالارمەن تانىستىردى.

«مەملەكەت باسشىسىنىڭ «ۇلى دالانىڭ جەتى قىرى» اتتى تاريحي ماقالاسى ەل ساناسىنا قوزعاۋ سالعان، «ماڭگىلىك ەل» بولۋ جولىنداعى ۇلى مىندەتتەردى ايقىنداپ بەرگەن، «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ جالعاسى، ءارى ەلدى بيىك ماقساتتارعا جەتەلەيتىن ماڭىزدى قۇجات. وسى قۇندى باعدارلاماداعى تاپسىرمالاردى ورىنداۋ ماقساتىندا تۇركىستان وبلىسىندا بىرقاتار جۇمىستار قولعا الىنىپ، قارقىندى جۇزەگە اسىرىلۋدا. ماسەلەن، اتبەگىلىكتى، اڭشىلىقتى، سالت-ءداستۇردى ناسيحاتتاۋ ماقساتىندا وبلىستا ارنايى فەستيۆالدەر ۇيىمداستىرىلۋدا. سونداي-اق، «قىزىل كىتاپقا» ەنگەن، ياعني ايرىقشا قورعاۋدى قاجەت ەتەتىن قىزعالداق گۇلىن قورعاۋ جانە سول ايماقتىڭ تۋريستىك الەۋەتىن كوتەرۋ ماقساتىندا حالىقارالىق «قىزعالداق» شاراسى قولعا الىندى. ەلباسىمىزدىڭ ايتۋلى ماقالاسىنىڭ «تۇركى الەمىنىڭ بەسىگى» دەپ اتالاتىن بولىمىندە تۇركىستان قالاسىندا تۋعان ياساۋي بابامىز بەن وتىراردان تۇلەپ ۇشقان ءال-فارابي عۇلاما تۋرالى دا ايتىلدى. بۇل باعىتتا دا تاريحي تۇلعالار مەن كونە قالالاردى ناسيحاتتاۋ ءۇشىن انيماتسيالىق فيلمدەر مەن تەلەحيكايالار ءتۇسىرىلدى. الداعى ۋاقىتتا قوعامدىق سانانى جاڭعىرتۋ باعدارلاماسىن جۇزەگە اسىرۋ باعىتىندا جاڭاشا جوبالاردى قولعا الۋدى جوسپارلاپ وتىرمىز»، – دەدى جانسەيىت قانسەيىتۇلى.

سونداي-اق، وبلىس اكىمى 2019 جىلى تۇركىستان وبلىسىندا «سايگۇلىكتەر» فەستيۆالى ۇيىمداستىرىلاتىنىن ايتتى. ۇلتتىق كودتى جاڭعىرتۋ ماقساتىندا وتكىزىلەتىن شارا اياسىندا ۇلتتىق ات سپورت ويىندارى: تەڭگە الۋ، اۋدارىسپاق، قىز قۋ، جامبى اتۋ، سايگۇلىكتەر شەرۋى، سونداي-اق ات ابزەلدەرى، اتتىلى جاۋىنگەرلەردىڭ كيىمى مەن قارۋ-جاراقتارىنا ارنالعان كورمەلەر، جىلقى مالىنا بايلانىستى جىر ءمۇشايراسى، جىرشىلار مەن تەرمەشىلەر بايقاۋى وتەدى دەپ جوسپارلانۋدا.سونىمەن قاتار، «شىعىس بازارى» اتتى فەستيۆال وتكىزۋ جوسپارعا قويىلعان. ونداعى ماقسات قولا، مىس، تەمىر، كۇمىس، التىننان جاسالعان اشەكەي بۇيىمدار، تۇرمىستىق زاتتار مەن قارۋ-جاراقتاردىڭ جارمەڭكەسى وتكىزۋ ارقىلى قازاق جەرى – مەتاللۋرگيا پايدا بولعان العاشقى ورتالىقتىڭ ءبىرى ەكەنىن پاش ەتۋ.

ودان بولەك، ق.ا.ءياساۋيدىڭ تاريحي بولمىسىن جاھانعا ءوز دەڭگەيىندە تولىق تانىتىپ، ناسيحاتتاۋ ماقساتىندا بىرقاتار شارۋالار اتقارىلماق. اتاپ ايتقاندا، ەلباسى تاپسىرماسى بويىنشا، جاڭا تۇركىستاندا ياساۋي مۋزەيى سالىنباق. بۇل مۇراجايدا عۇلاما مەن ونىڭ شەت مەملەكەتتەردەگى شاكىرتتەرىنىڭ ەڭبەكتەرى قويىلادى. ياعني، ياساۋي فەنومەنىن جوعارىلاتىپ، اتىن اسقاقتاتۋ ارقىلى عىلىمدى عانا ەمەس، ءتۋريزمدى دە دامىتۋ مۇمكىندىگى اشىلا تۇسەدى. سونداي-اق، تۇركىستان قالاسىندا الەمنىڭ تۇكپىر-تۇكپىرىندە ياساۋي بابانىڭ عىلىمي مۇراسىن زەرتتەپ جۇرگەن ياساۋيتانۋشىلاردىڭ باسىن قوسىپ، حالىقارالىق كونفەرەنتسيا وتكىزۋ مەجەلەنگەن. ياساۋي مۇرالارى كەشەندى تۇردە زەرتتەلىپ، دەرەكتى جانە كوركەم فيلمدەر تۇسىرىلمەك.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606