سەيسەنبى, 27 قازان 2020
COVID-19 قازاقستاندا. جۇقتىرعاندار — 110542. جازىلعاندار — 105675. قايتىس بولعاندار — 1796
بيلىك 2505 6 پىكىر 28 قاراشا, 2018 ساعات 10:09

ۇلتتىق تاريحتىڭ ۇلىقتالعانى – ەلباسىنىڭ ۇلى مۇراتى

وتكەن اپتادا ەلباسى ن.ءا.نازارباەۆتىڭ «ۇلى دالانىڭ جەتى قىرى» دەپ اتالاتىن قازىرگى زامانعا كەرەك تە، قاجەت تە ماقالاسى جارىق كوردى. ىسساپارمەن يران ەلىندە جۇرگەم، ينتەرنەتتى قوسىپ، ماقالانى وقۋعا اسىقتىق. كونە پارسى جۇرتىندا ءجۇرىپ، ۇلتتىق قۇندىلىقتارىمىزدىڭ ەلباسى تاراپىنان ۇلىقتالىپ جاتقانىن وقىپ، قولىمىزعا قالام العانشا اسىقتىق.

"كەڭىستىك – بارلىق نارسەنىڭ، ال ۋاقىت – بۇكىل وقيعانىڭ ولشەمى" دەپ باستالاتىن ماقالادا، باستىسى – ءبىز كىم ەكەندىگىمىزدى انىقتادىق. ءبىزدىڭ اتا-بابالارىمىز ساقتاردىڭ، عۇنداردىڭ، تۇركى ەتنيكالىق توپتارىنىڭ مۇراگەرى. ۇلت تاريحىنداعى ۋاقىت پەن كەڭىستىك شەڭبەرىندەگى الەم وركەنيەتىنە جەتى ءتۇرلى عاجايىپتى سىيلاعان دارا ەتنوستىڭ داراعىمىز.

دەگەنمەن، ءبىز كىم ەكەنىمىزدى انىقتاپ، ونى الداعى ۋاقىتتا تەرەڭىنەن زەرتتەيتىن بولامىز. سوندىقتان دا، ەلباسى ءوز ماقالاسىندا «ارحيۆ – 2025» جەتى جىلدىق باعدارلاماسىن جاساۋىمىز قاجەت دەپ سانادى. قۇر اۋىزشا دەرەك پەن اڭىزدارعا ەمەس، ناقتى قۇجاتتارعا سۇيەنگەن تىڭ تاريحىمىز وسكەلەڭ ۇرپاقتىڭ ساناسىنا سىلكىنىس تۋدىرىپ، وتكەن جىلى جاريالانعان «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ جالعاسىنداي بولاتىنى انىق.

كاسىپكەرلىك پەن بيزنەس سالاسىندا جۇرسەم دە، ۇلتتىق تاريحىمىز بەن قۇندىلىقتارىمىزدان شەت قالعان ەمەسپىن. «رۋحاني جاڭعىرۋ» اياسىندا تۋعان جەرىمە قولدان كەلگەنشە قىزمەت ەتىپ، قازاق حالقىنىڭ تاريحىندا ەرەكشە ورنى بار قوشقار اتا بەينەسىن قولدان كەلگەنشە بولاشاق ۇرپاقتىڭ ساناسىنا قالدىرۋعا كۇش سالۋدامىن. سودان بولار، وتكەن جىلى «قيىرداعى قازاقتار» كوپ سەريالى دەرەكتى فيلمىنە قولداۋ تانىتتىم. الىس-جاقىن شەتەلدەردەگى قازاقتاردىڭ تاريحىنا قاتىستى قانشاما قۇندى دەرەك كورەرمەنگە جول تارتتى. قاراپ وتىرىپ، كوزىمە جاس كەلدى. مۇمكىندىك بولسا، ەلباسى باستاعان، ەلىمىز قوستاعان قازاقستانىما قىزمەت ەتكەنگە نە جەتسىن دەگەن وي ءتۇيىپ، ۇلتتىق تاريحتى تۇگەندەۋگە ءاربىر كاسىپكەر ۇلەس قوسسا دەيمىن.

سەبەبى، ءبىز تاريحتى اتا-بابامىزدان مۇراعا العان جوقپىز، ءبىز ونى كەلەر ۇرپاققا امانات ەتىپ تاپسىرامىز.

ورالبەك بوتباي، پروفەسسور، «قۇرمەت» وردەنىنىڭ يەگەرى، ەۋرازيالىق شىعارماشىلىق گيلدياسىنىڭ مۇشەسى (لوندون)

Abai.kz

6 پىكىر