بەيسەنبى, 28 ناۋرىز 2024
ءبىزدىڭ شەنەۋنىك 8613 8 پىكىر 6 قاراشا, 2018 ساعات 12:04

100 مىڭ ەۋرونىڭ بۋى ماڭعىستاۋ اكىمى توعجانوۆتى جالعىز قالدىردى

سوڭعى كۇندەرى ماڭعىستاۋ وبلىستىنىڭ اكىمدىگىندە جالعىز وبلىس اكىمى ەرالى توعجانوۆ قانا قالعانداي جاعداي تۋىپ وتىر.

اقتاۋ حالىقارالىق اۋەجايىندا سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ وكىلدەرى ماڭعىستاۋ وبلىسى اكىمىنىڭ ءبىرىنشى ورىنباسارىن قۇرىقتاعان.

ماڭعىستاۋ وبلىسى اكىمىنىڭ ءبىرىنشى ورىنباسارى سەرىك امانعاليەۆ وزىمەن بىرگە 100 مىڭ ەۋرودان استام قارجىنى الىپ بارا جاتقان ەكەن. قازىرگى ۋاقىتتا  سەرىك امانعاليەۆ اقتاۋ ءىىب ۋاقىتشا ۇستاۋ يزولياتورىنا قامالدى.

وسى وقيعادان كەيىن وبلىس اكىمىنىڭ تاعى ءبىر ورىنباسارى م.سكاكوۆتىڭ ناۋقاستانىپ جاتقانى تۋرالى اقپارات تارادى. ەرالى توعجانوۆتىڭ تاعى ءبىر ورىنباسارى ر. ساكەەۆ ەڭبەك دەمالىسىنا شىعىپ كەتكەن. ال، وبلىس اكىمىنىڭ ورىنباسارى لاۋازىمىن اتقارعان تاعى ءبىر ب. جۋسۋپوۆ اتتى ازامات جۇمىستان شىعىپ كەتكەن.

قازىر ماڭعىستاۋ وبلىسىنداعى اپپارات، ىشكى ساياسات باسقارماسى، بىلىم بەرۋ باسقارماسى، قارجى باسقارماسى جەتەكشىسىنىڭ ورنى بوس قالعان.

وسىلاي 100 مىڭ ەۋرونىڭ بۋى تالاي مەمقىزمەتكەردى تەنتىرەتىپ جىبەرسە كەرەك. ەلباسىنىڭ سەنىمدى سەرىگى سانالاتىن، كوپ جىل اسسامبلەيانىڭ تىزگىنىن ۇستاعان، وبلىس اكىمى ەرالى توعجانوۆتىڭ ەندىگى جاعدايى قالاي بولار ەكەن؟

ەندىگى قويىلار ساۋال وسى...

ءشارىپحان قايسار

Abai.kz

 

 

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522