3 قاراشادا ماسكەۋدە وتكەن AIBA (حالىقارالىق اۋەسقوي بوكس قاۋىمداستىعى) كونگرەسىندە ۇيىمنىڭ جاڭا پرەزيدەنتى سايلاندى. 134 ەل داۋىس بەرگەن سايلاۋدا وزبەكستاندىق گافۋر راحيموۆ جەڭىسكە جەتتى. ونىڭ كانديداتۋراسىن 86 ەلدەن قولداعان. ال قازاقستان وكىلى سەرىك قوناقباەۆقا 48 ەل داۋىس بەرگەن.

ناتيجە جاريالانعان سوڭ قوناقباەۆ "بوكستى ساقتاۋ" كامپانياسىن جالعاستىرا بەرەتىنىن مالىمدەدى. ول "ناتيجەگە كوڭىلى تولمايتىنىن" ايتتى.

راحيموۆ باسىندا AIBA پرەزيدەنتتىككە جالعىز كانديدات رەتىندە تىركەلگەن. اIBA قوناقباەۆ بەلگىلەنگەن ۋاقىتقا دەيىن قۇجاتتارىن تاپسىرىپ ۇلگەرمەگەنى ءۇشىن ونىڭ كانديداتۋراسىن تىركەمەگەن ەدى.

كەيىن قازاقستاندىق “قۇجات تاپسىراتىن ۋاقىتتىڭ اياقتالار كۇنى جەكسەنبىگە تۇسكەنىن، بۇل جاعدايدا AIBA قۇجاتتى جۇمىس كۇنى – دۇيسەنبى قابىلداۋى كەرەك” دەپ، Cپورتتىق اربيتراج سوتىنا (CAS) شاعىمدانعان.

CAS قازاننىڭ 30-ى كۇنى ازيا بوكس قاۋىمداستىعىنىڭ پرەزيدەنتى سەرىك قوناقباەۆتىڭ شاعىمىن قاناعاتتاندىرىپ، ونى رەسمي تۇردە AIBA پرەزيدەنتتىگىنە كانديدات رەتىندە تىركەگەن. AIBA Cپورتتىق اربيتراج سوتىنىڭ شەشىمىن قولداعان.

حالىقارالىق وليمپيادا كوميتەتى (حوك) قىركۇيەكتە "ەگەر راحيموۆ پرەزيدەنت بولىپ سايلانسا، بوكستى وليمپيادا باعدارلاماسىنان الىپ تاستايتىنىن" مالىمدەگەن. اقش قارجى مينيسترلىگى راحيموۆتى قىلمىستىق توپقا قاتىسى بار دەپ ايىپتايدى.

Abai.kz