دۇيسەنبى, 3 قازان 2022
2676 1 پىكىر 31 قازان, 2018 ساعات 10:23

وزبەكستان 2023 جىلدان باستاپ مەتانولدان بەنزين وندىرەدى

وڭتۇستىك كورەيانىڭ GS Engineering & Construction Corporation كومپانياسى 2022 جىلدىڭ اياعىندا وزبەكستاندا مەتانولدان بەنزين ءوندىرۋدى ىسكە قوسادى.

"وزبەكستاندا حيميا ونەركاسىبىن جەدەل دامىتۋ جونىندەگى شارالار تۋرالى" پرەزيدەنت جارلىعىندا وكتانى جوعارى بەنزيندى "ناۆويازوت" اق باسىندا ءوندىرۋدى ۇيىمداستىرۋ جايىندا ايتىلعان. جوبانىڭ الدىن الا قۇنى - 200 ملن دوللار، دەپ حابارلادى جەرگىلىكتى باق.

بيىل جەلتوقسان ايىندا GS, "ۋزحيمپروم" جانە "ناۆويازوت" بىرلەسكەن كاسىپورىن قۇرۋ تۋرالى قۇجاتتارعا قول قويادى. كاسىپورىن جىلىنا مەتانولدان 104,3 مىڭ توننا بەنزين جانە 14,4 مىڭ توننا پروپان-بۋتان قوسپاسىن وندىرەدى.

2019 جىلدىڭ سوڭىنا دەيىن جوبانىڭ تەحنيكالىق-ەكونوميكالىق نەگىزدەمەسى دايىن بولادى.

2020 جىلدىڭ مامىرىندا زاۋىت قۇرىلىسى باستالىپ، 2022 جىلى جەلتوقساندا كاسىپورىن ىسكە قوسىلادى.

Abai.kz

1 پىكىر