جەكسەنبى, 26 ماۋسىم 2022
3299 5 پىكىر 29 قازان, 2018 ساعات 17:46

قازاقستان ليۆانعا اسكەر جىبەرەدى

مەملەكەت باسشىسى «قازاقستان رەسپۋبليكاسىنىڭ ۇكىمەتى مەن ءۇندىستان رەسپۋبليكاسىنىڭ ۇكىمەتى اراسىنداعى بىرىككەن ۇلتتار ۇيىمىنىڭ ليۆانداعى ۋاقىتشا كۇشتەرىندەگى (بۇۇلۋك) ۇندىستاندىق باتالون قۇرامىندا قازاقستاندىق بىتىمگەرشىلىك كونتينگەنتتى بىرلەسىپ ورىستەتۋ ءتارتىبى تۋرالى ءوزارا تۇسىنىستىك تۋرالى مەموراندۋمدى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى، - دەپ حابارلايدى Abai.kz اقوردانىڭ ءباسپاسوز قىزمەتىنە سىلتەمە جاساپ.

بۇدان بۇرىن ايتىلعانداي، قازاقستان 120 ساربازدى بىتىمگەرشىلىك ماقساتىندا ءۇندىستاننىڭ ليۆانداعى بۇۇ باتالونى قۇرامىنا جىبەرۋ تۋرالى جوسپارلانعان. تامىز ايىنىڭ سوڭىندا ەكى ەل بيلىگى تاياۋ شىعىستا قازاقستاندىق بىتىمگەرشىلەردىڭ بولۋى تۋرالى ۋاعدالاسقان بولاتىن.

بۇۇ-نىڭ ۋاقىتشا كۇشتەرى (UNIFIL, United Nations Interim Force In Lebanon), بۇۇ بىتىمگەرشىلىك كۇشتەرى وڭتۇستىك ليۆاندا (ناكۋرا قالاسىندا) ورنالاسقان. بۇۇ قاۋىپسىزدىك كەڭەسىنىڭ 1978 جىلعى 19 ناۋرىزداعى № 425 قاۋلىسىنا سايكەس يزرايلمەن شەكارادا جانە ۋاقىتشا ماندات ءار التى اي سايىن  ۇزارتىلىپ كەلەدى.

Abai.kz

5 پىكىر