جۇما, 29 ناۋرىز 2024
3115 0 پىكىر 29 قازان, 2018 ساعات 16:28

الماتى قالاسىنىڭ جالپى وڭىرلىك ءونىمى 4%-عا ءوستى

وتكەن جىلعىمەن سالىستىرعاندا الماتى قالاسىنىڭ جالپى وڭىرلىك ءونىمى 4%-عا ءوستى. بۇل تۋرالى الماتى قالاسى كاسىپكەرلەر پالاتاسىنىڭ ديرەكتورى باعدات تەلەباي باق وكىلدەرىمەن كەزدەسۋ بارىسىندا ايتتى، دەپ حابارلايدى اباي-اقپارات Baq.kz-گە سىلتەمە جاساپ.

ونىڭ ايتۋىنشا، سوڭعى 9 ايدا تاۋارلار ءوندىرىسىنىڭ ۇلەسى 6,8% – دى، قىزمەتتەر-86,4% - دى قۇراعان، ال تىركەلگەن زاڭدى تۇلعالار سانى 170 مىڭنان اسقان.

«وڭدەۋ ونەركاسىبىندە ءوندىرىس 5,2%-عا، بولشەك ساۋدا اينالىمى 10,1% ارتتى»،-دەيدى ول.

سونىمەن قاتار ول، «بيزنەستىڭ جول كارتاسى-2020» باعدارلاماسىنا توقتالىپ، اتالعان باعدارلاما ءتىمدى بولعانىن، كوپتەگەن كاسىپكەرلەر ونى قولدانىپ جاتقانىن جەتكىزدى.

«وسى جىلى بۇل باعدارلاما بويىنشا 130-عا جۋىق جوبا ماقۇلداندى. بۇل جوبالاردى ىسكە اسىرۋدا 1404 جۇمىس ورنى ساقتالىپ، 700 جاڭا جۇمىس ورنى اشىلدى. بيىل بۇل جوباعا 5,7 ملرد تەڭگە ءبولىندى. سونداي-اق وسى جىلى الماتى قالاسىنداعى شاعىن جانە ورتا بيزنەستىڭ ىسكەرلىك بەلسەندىلىگىن ارتتىرۋعا جەرگىلىكتى بيۋدجەتتەن قوسىمشا 1,7 ملرد تەڭگە ءبولىندى، 8 مىڭنان استام جۇمىس ورنى قۇرىلدى، 31 ملرد تەڭگەدەن استام سالىق تولەندى. مەملەكەت باسشىسىنىڭ «بيزنەستىڭ جول كارتاسى» باعدارلاماسىن 2025 جىلعا دەيىن ۇزارتۋ جونىندەگى تاپسىرماسى ۇلكەن الەۋمەتتىك-ەكونوميكالىق ناتيجە بەرەدى دەگەن سەنىمدەمىن»، - دەيدى ب.تەلەباي.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593