جەكسەنبى, 19 مامىر 2024
46 - ءسوز 4066 6 پىكىر 29 قازان, 2018 ساعات 07:44

سۇلتانماحمۇتتىڭ تويى كومسومولدىڭ كولەڭكەسىندە قالدى...

كەشە الاشتىڭ ارداقتى ازاماتى، ارىسى سۇلتانماحمۇت تورايعىردىڭ ومىرگە كەلگەن كۇنى. تۋرا 125 جىل بولىپتى! بىردە-ءبىر ارنا، راديو ياكي سايت جازىپ جاتقان جوق. ەسەسىنە كومسومولداردى دارىپتەپ الەك. قازاقتىڭ قىرىلۋىنا قاتىسى بار قۇرىلىمدى ماقتاپ، ماداقتاپ، ءزاۋلىم سارايلاردا كونتسەرت قويىپ، جۇزدەگەن مىڭعا بيلبوردتار ىلگەن شالدار، سۇلتانماحمۇت دەگەن اقىننىڭ بارىن بىلە مە ەكەن ءوزى. قازاقتىڭ قاساپشىلارى ستالين مەن لەنيندى دارىپتەيتىن ولار، الاشتىڭ ارىستارىن بىلە قويماس...

1893 جىلى، 28 قازاندا دۇنيە ەسىگىن اشىپ، بار-جوعى 27 جىل عۇمىر كەشكەن اقىن "قازاق" دەپ شىرىلداپ وتكەن ەدى. 27 جاسىندا وشپەس ءىز بەن ولمەس وسيەت قالدىردى. ال تاۋەلسىزدىگىنە 27 جىل بولعان ءبىز نە ىستەدىك؟ وسى ارىستاردىڭ وسيەتىن ورىنداي الدىق پا؟ سۇلتانماحمۇت ۇرانى بولعان "الاشتى" تىرىلتتىك پە؟!

جوق، قازاقتى قىناداي قىرعان كوممۋنيزمدى ايىپتاۋدىڭ، ونى تاريحتىڭ توزاعىنا جىبەرۋدىڭ ورنىنا، تويىن تويلاپ ءجۇرمىز...

بىراق ۋاقىت وتەدى. كەشەگى كوممۋنيزم ۇستاحاناسىنان شىققاندار تابيعي زاڭدىلىقپەن عايىپ بولىپ، ۇرپاق اۋىسقان ساتتە، الاش ارىستارىنىڭ جىرىن جاتقا وقىپ، جارىساتىن جاڭا، ازات قازاقتىڭ كەلەرىنە مەن سەنەمىن. ولار "ۇرانعا "الاش" دەگەن اتتى الاتىن بولادى.

مەن – قازاق، قازاقپىن دەپ ماقتانامىن،
ۇرانعا الاش دەگەن اتتى الامىن.
سۇيگەنىم قازاق ءومىرى، ءوزىم قازاق،
مەن نەگە قازاقتىقتان ساقتانامىن؟

اسحات قاسەنعاليدىڭ facebook پاراقشاسىنان

Abai.kz

6 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2146
ادەبيەت

«سولاي ەمەس پە؟»

عابباس قابىشۇلى 2551
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2364
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1661