بيىل قازاقستاننىڭ كينويندۋسترياسى ءۇشىن جەمىستى جىل بولدى. بۇگىن قر پرەزيدەنتى جانىنداعى  قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسياسىنىڭ كەزەكتى وتىرىسىندا قر پرەزيدەنتى اكىمشىلىگى ىشكى ساياسات ءبولىمىنىڭ مەڭگەرۋشىسى ايدا بالاەۆا وسىلاي ايتتى

«تەاتر مەن كينو ءاردايىم قازاقستاندىق مادەنيەتتىڭ ماڭىزدى اسپەكتىلەرى بولىپ تابىلادى. سوندىقتان ءتۇرلى فورماتتاعى شارالار كەشەنىن ۇيىمداستىردىق. ولاردىڭ ىشىندە قازاقستاندىق وپەرا جانە بالەت ترۋپپالارىنىڭ بەلسەندى گاسترولدىك قىزمەتى دە بار. «Astana opera»، اباي اتىنداعى وپەرا جانە بالەت تەاترى، «استانا بالەت» جانە باسقا دا ۇجىمدار ەۋروپا مەن ازيا ەلدەرىنىڭ كورەرمەندەرىن ۇلتتىق وپەرا قويىلىمدارىمەن تانىستىرىپ ءجۇر»، - دەدى ايدا بالاەۆا جۇمىس توبىنىڭ وتىرىسىندا.

ونىڭ ايتۋىنشا، 2018 جىلى قازاقستان حالىقارالىق ارەناداعى ءتۇرلى كينوفەستيۆالدەرگە بەلسەنە قاتىستى.

«بيىل مادەنيەت جانە سپورت مينيسترلىگىنىڭ قولداۋىمەن 71-ءشى كانن كينوفەستيۆالىندە قازاقستان پاۆيلونى اشىلدى. وندا «ەۋرازيا» حالىقارالىق كينوفەستيۆالىنىڭ تانىستىرىلىمى ءوتتى، سونداي-اق بىرقاتار قازاقستاندىق فيلمدەردىڭ ترەيلەرلەرى كورسەتىلدى. جىل باسىنان بەرى «قازاقفيلم» اق 18 ءفيلمى 14 حالىقارالىق كينوفەستيۆالگە قاتىسىپ، 11 جۇلدە جەڭىپ الدى»، - دەدى ءبولىم مەڭگەرۋشىسى.

ول «اناعا اپارار جول» ءفيلمىنىڭ نيۋ-يوركتەگى WeLink حالىقارالىق كينوفەستيۆالىندە «ۇزدىك كوركەم فيلم» جۇلدەسىن يەلەنگەنىن دە ەسكە سالدى. مادەنيەت مينيسترلىگىنىڭ تاپسىرىسىمەن جانە مەتسەناتتاردىڭ قولداۋىمەن تۇسىرىلگەن «امىرە» ءفيلمى Silver screen film (سيلۆەر سكرين فيلم) ماراپاتىن العان. سونىمەن قاتار، بۇل تۋىندى گولليۆۋدتاعى كينوفەستيۆالدىڭ اقتىق سىنىنا شىققان.

«قازاقستاندىق كينو كۇندەرى دە جاقسى ناتيجە بەرۋدە. بيىل قازاقستاندىق كينو كۇندەرى يتاليادا، ەستونيادا جانە وزگە دە ەلدەردە ۇيىمداستىرىلدى»، - دەدى ا.بالاەۆا.

Abai.kz