جۇما, 29 ناۋرىز 2024
3299 1 پىكىر 4 قازان, 2018 ساعات 12:28

اقتاۋلىق وقۋشى جارتى ساعاتتا 30 مىڭ ەسەپ شىعاردى

اقتاۋلىق وقۋشى ورىنگۇل ارىستان مەنتالدى اريفمەتيكادان الەمدىك رەكورد جاڭارتتى. ون ءبىر جاسار جەتكىنشەك سانكت-پەتەربۋرگ قالاسىندا  وتكەن بايقاۋدا 26 مينۋت 26 سەكۋندتا 30 مىڭ ەسەپتى شىعارعان. بۇل تۋرالى قازاقپارات حابارلادى.

ورىنگۇل اقتاۋداعى №17 مەكتەپتىڭ 6-سىنىبىندا وقيدى. ول وقۋشىلار اراسىندا «ەسەپكە جۇيرىك» قىز اتانىپ كەتكەن. 1 مينۋتتا 25-30 ەسەپكە دەيىن ويشا شىعارا الادى. دارىندى جاس سانكت-پەتەربۋرگتە مەنتالدى اريفمەتيكادان وتكەن چەمپيوناتتا شاپشاڭدىعىمەن تالايدى تاڭقالدىردى. 120 مەملەكەتتەن كەلگەن 150 قىز اراسىندا ۇزدىك شىعىپ، جەڭىمپاز اتاندى. «شەتەلدەن كوپتەگەن دوستار تاپتىم. وسىدان ءبىر جىل بۇرىن مالايزيادا وتكەن جارىستىڭ قاتىسۋشىلارىن كەزدەستىردىم. قاتىسقانىما 2 جىل عانا بولسا دا، ءبىراز جەتىستىككە جەتتىم. قۋانىشتىمىن!»،-دەيدى ورىنگۇل.

Ақтаулық оқушы жарты сағатта 30 мың есеп шығарды

ازيا رەكورد كىتابى جانە الەمدىك رەكورد كىتابى وكىلدەرىنىڭ شەشىمى بويىنشا، وسى جارىستا تاريحتا العاش رەت  ۇزاق ماتەماتيكالىق ەسەپ شىعارىلعان.  ورناتىلعان رەكورد  ارنايى WORLD BOOK RECORDS (WBR) كىتابىنا ەنگىزىلگەن. «وسى جارىسقا قاتىسۋ ارقىلى ويلاۋ قابىلەتىن دامىتىپ قانا قويماي، الەمدىك دەڭگەيدە تالانتى مەن دارىنىن دالەلدەدى. قازاقستاننىڭ اتىن حالىقارالىق دەڭگەيگە شىعاردى. قۋانىشىمىز شەكسىز»،-دەيدى ۇستازى قارلىعاش ابدرەيموۆا. ورىنگۇل ارىستان حالىقارالىق ينتەللەكتۋالدىق دامۋ اكادەمياسىنىڭ «UCMAS» اتتى  اكتاۋداعى فيليالىندا وقىپ جاتىر. قازىر 4-دەڭگەيگە جەتكەن.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564