جۇما, 29 ناۋرىز 2024
3213 0 پىكىر 4 قازان, 2018 ساعات 11:25

الماتى قالاسى اكىمدىگىنىڭ ۇيىمداستىرۋىمەن "تۇلپار ءمىنىپ، تۋ العان!" بايقاۋى ءوتتى

باتىرلار جىرى – كونە جانر. ول ءبىر باتىردىڭ ەرلىك قاسيەتتەرىن بايانداي وتىرىپ، تۇتاس حالىقتىڭ تاريحي كەزەڭىنە شولۋ جاسايدى. سونداي باي مۇرامىزدىڭ ءبىرى – “الپامىس باتىر” جىرى.

بۇل جىردا ازاتتىق ءۇشىن كۇرەس، ەرلىك، قاھارماندىق قاسيەتتەر سەزىلەدى. مۇنداعى بەينەلەنەتىن وقيعالاردىڭ بارلىعى كوشپەلى قازاق مادەنيەتىنە جاقىن دۇنيەلەر. بۇل جىر حالىق جادىندا ۇزاق ۋاقىت ساقتالىپ، اۋىزشا تارالىپ كەلگەن. ال، تۇڭعىش رەت 1899 ج. قازان قالاسىندا باسىلىپ شىعىپتى.

بابالاردىڭ وسى مۇراسىن قايتا جاڭعىرتىپ، بالالاردىڭ ساناسىندا جاتتالۋى ءۇشىن مامىر ايىندا “تۇلپار ءمىنىپ، تۋ العان!” اتتى بايقاۋ جاريالانعان ەدى. وعان ۇيىتقى بولعان - الماتى قالاسىنىڭ اكىمدىگى.

اكىمدىكتىڭ ايتۋىنشا، بۇل ن.نازارباەۆتىڭ “بولاشاققا باعدار: رۋحاني جاڭعىرۋ” باستاماسىنىڭ اياسىندا ۇيىمداستىرىلعان. الماتى قالاسىنىڭ 6-10 سىنىپ وقۋشىلارىنىڭ اراسىندا وتكىزىلگەن بۇل بايقاۋعا 1300  بالا قاتىسقان. ولاردىڭ  ەلۋى وزگە ەتنوس وكىلدەرى ەكەن.

بۇل جوبانىڭ اۋداندىق كەزەڭى  قىركۇيەكتىڭ  10-19 ارالىعىندا وتكىزىلگەن. ءسويتىپ، ءار اۋداننان 3 جەڭىمپاز انىقتالعان. ال، جالپى 8 اۋدان بويىنشا 24 بالا قورىتىندى كەزەڭگە جولداما الدى.

ولاردىڭ ونەرىنە ومىرزاق ايتباەۆ، ءۋاليحان قاليجان، قالي سəرسەنباي، تىنىسبەك قوڭىراتباەۆ، تەمىرحان تەبەگەنوۆ، سەرىكقازى قوراباي سىندى اكادەميكتەر، عىلىم دوكتورلارى مەن پروفەسسورلار  تورەلىك ەتتى.

سونىمەن، “تۇلپار ءمىنىپ، تۋ العان!” بايقاۋىنىڭ جەڭىمپازدارى:

ارۋجان ابساتتار – 1-ورىن. جەتەكشىسى – مايرا مىرزاحمەتوۆا

ابىلاي بەرداشەۆ – 2- ورىن. جەتەكشىسى – ايجان وسپانبەكوۆا

بەكزات شارداربەك – 3-ورىن. جەتەكشىسى –  فاريدا سۇلەيمەنوۆا

بايقاۋدىڭ جۇلدە قورى:  I  ورىن  – 1,5 ملن تەڭگە، II ورىن – 1 ملن تگ. II ورىن -  500 مىڭ تەڭگە بولدى. ال، ولاردىڭ جەتەكشىلەرى ۇلىبريتانيانىڭ وكسفورد قالاسىندا ءبىر اي اعىلشىن ءتىلىن جەتىلدىرۋ مۇمكىندىگىنە يە بولادى.

ءتۇيىن: جاس ورەندەردىڭ باتىرلار جىرىنا دەن قويۋى ءبىزدى قۋانتادى. سەبەبى، باتىرلار جىرىندا ەرلىك، رۋح بار. ال، تاۋەلسىز ەلدىڭ جاستارى رۋحى بيىك، ساناسى ازات بولۋى قاجەت. سوندىقتان، بۇل جوبانىڭ ومىرشەڭ بولۋىن تىلەيمىز.

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616